Details
Clavis Aethiopica: 0289
CAe: 0289
HK: 262, 263
Permalink: https://w3id.org/malke/0289/
Last modified:
HK: 262, 263
Permalink: https://w3id.org/malke/0289/
Last modified:
-
- እንዘ፡ እግዚአብሔር፡ ይረድእ፡ ወያጸንዕ፡ በቃሉ፨
- ለትምህርት፡ ዘይተሉ፨
- ተስፋ፡ ሐዋርያት፡ ሕቀ፡ ነገረ፡ ውዳሴከ፡ አዕሉ፨
- ምስሌየ፡ አባ፡ በረከትከ፡ የሀሉ፨
- ከመዝ፡ ለአብ፡ ወለወልድ፡ ይደሉ፨
-
- ሰላም፡ ለዝክረ፡ ስምከ፡ ስቡሐ፡ ዘተስብሐ፨
- ለቅድስናከ፡ ዓዲ፡ ሰላም፡ ወአምኃ፨
- ተስፋ፡ ሐዋርያት፡ ጴጥሮስ፡ ዘትሜህር፡ ሕገ፡ ንስሓ፨
- በዝክረ፡ ስምከ፡ እትፌሣሕ፡ ፍሥሓ፨
- ከመ፡ ዘረከበ፡ ምህርካ፡ ብዙኀ፨
-
- ሰላም፡ ለኵርናዕከ፡ ወለእመታቲከ፡ መንታ፨
- ዘሰፈራ፡ ቅድመ፡ ለጥበብ፡ መጠነ፡ ቤታ፨
- ተስፋ፡ ሐዋርያት፡ ነቢይ፡ ኤልያስ፡ ዘሰራጵታ፨
- ከመ፡ ተንሥአ፡ ለነፍስየ፡ እምስካበ፡ ኵሉ፡ ድቀታ፨
- ጸውዐ፡ እንዘ፡ ትብል፡ ጣቢታ፡ ጣቢታ፨
-
- ሰላም፡ ለአብራኪከ፡ በሰጊድ፡ ዘአስተብረካ፨
- ወለአእጋሪከ፡ ሰላም፡ እምፍኖተ፡ ጽድቅ፡ ዘኢያውከካ፨
- ተስፋ፡ ሐዋርያት፡ ጴጥሮስ፡ መምህረ፡ ሃይማኖት፡ ዘኮቶሊካ፨
- አመ፡ ይትገበር፡ ለጻድቃን፡ በደብረ፡ ጽዮን፡ ፋሲካ፨
- ምስሌከ፡ ለወልድከ፡ ንሥአኒ፡ ምህርካ፨
-
- ሰላም፡ ለግንዘተ፡ ሥጋከ፡ በእደ፡ ቅዱሳን፡ ዘዋሊ፨
- ወለመቃብሪከ፡ ሰላም፡ ከመ፡ አዝኅርተ፡ ጴጥሮስ፡ ወጳውሊ፨
- ተስፋ፡ ሐዋርያት፡ ፀማዱ፡ ለእግዚአብሔር፡ ከሃሊ፨
- አድኅነኒ፡ አባ፡ እመሥገርተ፡ ልሳን፡ ቀታሊ፨
- እሴብሕ፡ ለስምከ፡ ወማሕሌተ፡ እሕሊ፨
-
- ናሁ፡ አቅረብኩ፡ ለዝክረ፡ ስምከ፡ ኢመዋቲ፨
- ታሕፃፃ፡ ውዳሴ፡ ዘተርፈ፡ እምካህናተ፡ ዘመን፡ እንታክቲ፨
- ተስፋ፡ ሐዋርያት፡ ተወከፍ፡ ስብሐተ፡ ልሳንየ፡ ዛቲ፨
- ከመ፡ ተወክፈ፡ እግዚእከ፡ እምእደ፡ መበለት፡ አሐቲ፨
- ጸራይቀ፡ ዘኍልቆን፡ ክልኤቲ፨
- ተረፈ፡ መልክእ፡
-
- ሰላም፡ ለከ፡ ተስፋ፡ ሐዋርያት፡ ፀሓይ፡ በጠፈረ፡ ጸጋ፡ ወንጌል፨
- ዘሤምከ፡ ታብርህ፡ እምድኅረ፡ መስቀል፨
- አምላክ፡ ወልደ፡ ድንግል፨
-
- ሰላም፡ ለከ፡ ዕሤተ፡ በረከት፡ ምሉአ፡ ለእሊአከ፡ ሀቦሙ፨
- ተስፋ፡ ሐዋርያት፡ ኖላዊሆሙ፨
- መዝገብሰ፡ ዘበምድር፡ ኢይበቍዖሙ፨
- እስመ፡ ኵሉ፡ ይቀውም፡ በዐቅሙ፨