Details
-
- ስብሐተ፡ ድንግል፡ ማርያም፡ ናሁ፡ እዜኑ፨
- ዘይሰምዐ፡ ዘንተ፡ ወያነብብ፡ ዘበበ፡ ሥኑ፨
- አባላትየ፡ ኵሉ፡ ሶበ፡ ኪያሁ፡ ፈተኑ፨
- እንዘ፡ ይትፌሥሑ፡ ወይትሐሰዩ፡ ይውጥኑ፨
- ረድኤትኪ፡ ያጥብቦሙ፡ ኪኑ፨
-
- ስብሐተ፡ ስምኪ፡ ድንግል፡ ቃለ፡ አፉየ፡ ሰመየ፨
- ልሳነ፡ ነቢያት፡ ኄራን፡ ከመ፡ ተነቢየ፨
- ማርያም፡ ስብሕት፡ እስመ፡ ክብርኪ፡ ዐበየ፨
- መላእክተ፡ ሰማይ፡ በስብሐት፡ አግነየ፨
- ወሰብእኒ፡ በሰጊድ፡ ___ ___፨
-
- ስብሐተ፡ ሥዕርትኪ፡ ድንግል፡ መልዕልተ፡ ድማሕ፡ ዘበቈላ፨
- ከመ፡ ሜላት፡ ፍቱል፡ በአፈ፡ ሰሎሞን፡ ተብህላ፨
- ማርያም፡ ስብሕት፡ ወብርህት፡ እምነ፡ እብላ፨
- ከዋክብት፡ በሥእርትኪ፡ አክሊላ፨
- ወለድማሕኪ፡ ዘብርሃን፡ ቀጸላ፨
-
- ስብሐተ፡ ከናፍርኪ፡ ድንግል፡ በከናፍረ፡ ክርስቶስ፡ ተሰብሓ፨
- እስመ፡ ኪያሁ፡ አምኃ፨
- ማርያም፡ ስብሕት፡ አሳምእኒ፡ ቃለ፡ ፍስሓ፨
- ይበላኒ፡ ከናፍርኪ፡ እንተ፡ ተሐሥሥ፡ ኪያሃ፨
- እንበለ፡ ክልኣት፡ ትረክብ፡ ሶቤሃ፨
-
- ስብሐተ፡ መትከፍትኪ፡ ድንግል፡ እንተ፡ በዲቤሆን፡ ንቡር፨
- ወልደ፡ አምላክ፡ ፍቁር፨
- ማርያም፡ ስብሕት፡ በአፈ፡ ኵሉ፡ ፍጡር፨
- እስመ፡ ስብሐትኪ፡ ወዘዚአኪ፡ ክብር፨
- በሰማይ፡ ምሉእ፡ ወፍጹም፡ በምድር፨
-
- ስብሐተ፡ እመትኪ፡ ድንግል፡ እለ፡ ጸንዑ፡ ይፍትሉ
- ሜላተ፡ ወወርቀ፡ እንዘ፡ የዐልሉ፨
- ማርያም፡ ስብሕት፡ እመ፡ ወልድኪ፡ እግዚአ፡ ኵሉ፨
- ስብሐት፡ በአርያም፡ ሐራ፡ ሰማይ፡ ተበሀሉ፨
- ወሰላም፡ በምድር፡ ሎቱ፡ ይደሉ፨
-
- ስብሐተ፡ አጻብዕኪ፡ ድንግል፡ እለ፡ ሠረፃ፡ ወሐመልመላ፨
- ወእምነ፡ እራኅ፡ በቍላ፨
- ማርያም፡ ስብሕት፡ ወልዕልት፡ መልዕልተ፡ ኵላ፨
- ምጥቅኒ፡ ወአልዕልኒ፡ ውስተ፡ ሰማያዊት፡ ጌርጌላ፨
- ኀበ፡ ሀለዉ፡ ኅሩያን፡ ማእከላ፨
-
- ስብሐተ፡ ድንግልናኪ፡ ንጹሕ፡ እንበለ፡ ይፍታሕ፡ ማሕተሙ፨
- እግዚአብሔር፡ ተወልደ፡ ወረሰየኪ፡ እሙ፨
- ማርያም፡ ስብሕት፡ ንጽሕተ፡ ንጹሓን፡ ዘእምቀዲሙ፨
- ሶበ፡ ነጸሩ፡ ወርእዩ፡ መላእክተ፡ ሰማይ፡ ኵሎሙ፨
- ዘምስለ፡ ኖሎት፡ በጎል፡ ቆሙ፨
-
- ስብሐተ፡ መከየድኪ፡ ድንግል፡ ሰማያተ፡ ዖዳ፨
- ወደመናተ፡ ኬዳ፨
- ማርያም፡ ስብሕት፡ እንዘ፡ ኪያኪ፡ ንእዳ፨
- አልዕሊ፡ መከየድየ፡ ከመ፡ ለኪ፡ ይስግዳ፨
- በሀገረ፡ ብርሃን፡ ወሕብረ፡ ጸዐዳ፨
-
- ስብሐተ፡ መልክእኪ፡ ድንግል፡ እመልክአ፡ ኵሉ፡ መአድም፨
- ወዳእሙ፡ ተብህለ፡ መልክአ፡ ሔዋን፡ እም፨
- ማርያም፡ ስብሕት፡ እመ፡ አምላክ፡ ግሩም፨
- ሰላም፡ ሰላም፡ ለመልክእኪ፡ ሰላም፨
- ዘከዋላ፡ ወፍጽም፡ ዘየማን፡ ወፅግም፨
-
- ስብሐተ፡ ዝኅርኪ፡ ድንግል፡ ለሠጋኪ፡ መቃብራ፨
- ወለገት፡ ካልእተ፡ ዝኅራ፨
- ማርያም፡ ስብሕት፡ ወላዲተ፡ ክርስቶስ፡ እንተ፡ ፈጠራ፨
- እስመ፡ እሴብሕ፡ በፉየ፡ ወአሌዕል፡ ክብራ፨
- ከመ፡ ስብሐቶሙ፡ ዘሰማይ፡ ሐራ፨
-
- ስብሐታቲከ፡ ድንግል፡ ለለ፡ አሐዱ፡ አሐዱ፨
- መጠነ፡ ሳምን፡ ሱባዔ፡ ዘይከውን፡ መጠነ፡ ፍቅዱ፨
- ማርያም፡ ንሥኢ፡ ለዘካርያስ፡ ከመ፡ ሰጊዱ፨
- ወሰብአ፡ ቤትየ፡ አመ፡ ፈለሱ፡ ወነግዱ፨
- ውስተ፡ ቤትኪ፡ ይቁሙ፡ በዐውዱ፨
-
- ስብሐት፡ ለኪ፡ ማርያም፡ በክልኤ፡ ድንግል፨
- ስብሐት፡ ለኪ፡ ማርያም፡ ንክሕተ፡ ኵሉ፡ አባል፨
- ስብሐት፡ ለኪ፡ ማርያም፡ እመ፡ አምላክ፡ ልዑል፨
- ስብሐት፡ ለኪ፡ ንግሥትየ፡ ምልእተ፡ ጸጋ፡ ወብዕል፨
- ስብሐተ፡ ድንጋሌኪ፡ ዘልፈ፡ እነግር፡ በቃል፨