Details
-
- ሰላም፡ ለዝክረ፡ ስምክሙ፡ በጽላተ፡ ሰማይ፡ ዘተጽሕፋ፨
- ሰብዓ፡ ወክልኤ፡ አርድእተ፡ ኢየሱስ፡ አልፋ፨
- መስገርተ፡ ሕቀ፡ አንትሙ፡ ዘቤተ፡ ሳውል፡ ወኬፋ፨
- እስእለክሙ፡ አጋእዝትየ፡ ጸግዉኒ፡ ተስፋ፨
- ታሕተ፡ ሕፅንክሙ፡ ትረሲ፡ ነፍስየ፡ ምዕራፋ፨
-
- ሰላም፡ ለሥዕርትክሙ፡ ትእምርተ፡ ኀይል፡ ዘቦን፨
- ከመ፡ ቈናዝዒሁ፡ ለሰምሶን፨
- ሰብዓ፡ ወክልኤ፡ አርድእተ፡ ኢየሱስ፡ መድኅን፨
- በሥዕርትክሙ፡ ተማሕፀንኩ፡ አጋእዝትየ፡ ኄራን፨
- ኢይቅትለኒ፡ በልሳን፡ ወልደ፡ ሀጕል፡ ሰይጣን፨
-
- ሰላም፡ ለርእስክሙ፡ በአዕይንት፡ ዘተከለላ፨
- ከመ፡ ጌራ፡ ወርቅ፡ ጽሩይ፡ ወከም፡ ባሕርይ፡ ቀጸላ፨
- ሰብዓ፡ ወክልኤ፡ አርድእተ፡ ኢየሱስ፡ ንጉሠ፡ ገሊላ፨
- ኢትሕምም፡ ርእስየ፡ በገሩረ፡ ጌጋይ፡ ቈሲላ፨
- ታሕተ፡ ርእስክሙ፡ ተሀሉ፡ ርእስየ፡ አጽሊላ፨
-
- ሰላም፡ ለገጽክሙ፡ በብርሃነ፡ ስብሐት፡ ዘተሞገሳ፨
- አርብዓ፡ ወክልኤ፡ ወዓዲ፡ ሥላሳ፨
- ክቡራን፡ አርድእት፡ መምህራነ፡ ሕግ፡ ዘከኒሳ፨
- ሜላተ፡ ንጽሕ፡ ዘላዕሌክሙ፡ ነፍስየ፡ ለቢሳ፨
- ተሀሉ፡ ምስሌክሙ፡ በሰማይ፡ ነጊሣ፨
-
- ሰላም፡ ለቀራንብቲክሙ፡ ጽድቀ፡ እለ፡ ቀጸባ፨
- ለመጽሐፈ፡ ሰሎሞን፡ ከመ፡ ንባባ፨
- ሰብዓ፡ ወክልኤ፡ ለ
- [The remainder of the text is lost.]