Subjects
Apostle
ቀሌመንጦስ፡
Qalemanṭos
Clement
Clement
Malkəʾ
-
- አቀድም፡ አንሰ፡ በረድኤተ፡ ሕያው፡ አምላክ፨
- ጽሒፈ፡ ውዳሴከ፡ ሐዋዝ፡ ለቀሌመንጦስ፡ ላዕክ፨
- ዘትሜህር፡ ጽድቀ፡ ህየንተ፡ መልአክ፨
- ምስለ፡ አብ፡ ወወልድ፡ ከመ፡ መንፈስ፡ ቅዱስ፡ ይትመለክ፨
- ወከመ፡ አሐደ፡ ይሰገድ፡ በበርክ፨
-
- ሰላም፡ ለዝክረ፡ ስምከ፡ ከመ፡ ጻቃውዕ፡ ጣዕሙ፨
- ያስተፌሥሕ፡ ልብ፡ ለአስካለ፡ ገነት፡ እምደሙ፨
- ቀሌመንጦስ፡ ፍንው፡ እምሐዋርያት፡ ኵሎሙ፨
- ጸሐፎ፡ ለስምየ፡ ኀበ፡ ስምከ፡ ቀለሙ፨
- ወኀበ፡ ለአቡከ፡ ጴጥሮስ፡ ተሴረከ፡ ስሙ፨
-
- ሰላም፡ ለፍናዊከ፡ እምጴጥሮስ፡ ወልደ፡ ዮና፨
- ምስለ፡ ሲኖዶሶሙ፡ ለሰብአ፡ ዜና፨
- በከመ፡ ተፈነወ፡ ሙሴ፡ እምእግዚአብሔር፡ እምደብረ፡ ሲና፨
- ቀሌመንጦስ፡ መንፈስ፡ ለቤተ፡ ክርስቲያን፡ ምእመና፨
- ንፋሕ፡ ላዕሌየ፡ እትመላእ፡ ልቡና፨
-
- ሰላም፡ ሰላም፡ ለቀሌመንጦስ፡ መላክእ፨
- ዘከሡት፡ ወዘኅቡእ፨
- መጽሐፈ፡ ዝክርከ፡ ነዋ፡ ሲኖዶስ፡ ለስምዕ፨
- ተማሕፀንኩ፡ በመልክእከ፡ በከመ፡ እምቀደምት፡ ሥሩዕ፨
- በረከተ፡ መምህር፡ ይደልወኒ፡ ከመ፡ እንሣእ፡ ረድእ፨