Subjects
Apostle
ናትናኤል፡
Nātnāʾel
Nathaniel
Nathaniel
Malkəʾ
-
- ውጣኔ፡ ውዳሴ፡ ዘለከ፡ ይትነበብ፡ ሠናየ፨
- ክሥት፡ አፉየ፡ ወአብርህ፡ ሕሊና፡ ልብየ፨
- ናትናኤል፡ የዋህ፡ ዘኢታአምር፡ እከየ፨
- በእንተ፡ ስምከ፡ ሰበከ፡ ወንጌለ፡ አቡየ፨
- ሰላመ፡ ስምከ፡ የሀሉ፡ ምስሌየ፨
-
- ምንተ፡ እነግር፡ ወምንተ፡ እዜኑ፨
- ለዝክረ፡ ስምከ፡ ኖሓኒ፡ መጠኑ፨
- ናትናኤል፡ ዘቀለዮጳ፡ ለወልደ፡ ማርያም፡ ምእመኑ፨
- ሰላመ፡ ዚአየ፡ ከመ፡ ጼና፡ ስኂን፡ አጼኑ፨
- አሶተ፡ ጸጋከ፡ ላዕሌየ፡ ፈኑ፨
-
- ሰላም፡ ለሥዕርትከ፡ እንተ፡ ሰየበ፡ ወጻዕደወ፨
- በቅብአ፡ ሃይማኖት፡ ጥለ፡ በከመ፡ ተዜነወ፨
- ናትናኤል፡ ዘኮንከ፡ በእንተ፡ ስምዐ፡ ጽድቅ፡ ውርዝወ፨
- ተማሕፀንኩ፡ በሥዕርትከ፡ እርካተ፡ ሐዪወ፨
- እምጽዋዐ፡ መዓት፡ ዲበ፡ ምድር፡ ዘመልአክ፡ ከዐወ፨
-
- ሰላም፡ ለበድነ፡ ሥጋከ፡ አፈወ፡ ገነት፡ መዐዛሃ፨
- ወፂአተ፡ ሞት፡ ሕሱም፡ አልቦ፡ ላዕሌሃ፨
- ናትናኤል፡ ብፁዕ፡ ዘለበስከ፡ ንጽሐ፨
- ክፍለኒ፡ ጸጋሃ፡ ወቀድሰኒ፡ ከማሃ፨
- ትንሣኤ፡ በክብር፡ እሴፎ፡ ምሌሃ፨