Subjects
Apostle
ፊልጶስ፡
Filəṗṗos
Philip
Philip
Malkəʾ
-
- ሰላም፡ ለዝክረ፡ ስምከ፡ ዘይትበደር፡ ጣዕሙ፨
- እመዐር፡ ወሦከር፡ ወለአስካለ፡ ወይን፡ እምደሙ፨
- ሞገሰ፡ ስምየ፡ ይኩን፡ ለስምከ፡ ከመ፡ መጠኑ፡ ወአቅሙ፨
- እማእ፡ ፀርየ፡ ለክርስቶስ፡ በስሙ፨
- ለተራድኦትየ፡ ዘልፈ፡ ፊልጶስ፡ ጻሙ፨
-
- እወጥን፡ አንሰ፡ በረድኤተ፡ ዋሕድ፡ ሥላሴ፨
- መላክኢከ፡ እአምኅ፡ ዘምስለ፡ ውዳሴ፨
- ፊልጶስ፡ ለባዊ፡ ትንቢተ፡ ነቢያት፡ ወኦሪተ፡ ሙሴ፨
- ከመ፡ ቀረብከ፡ ኀበ፡ ኢየሱስ፡ እስራኤላዊ፡ ብእሴ፨
- አቅርበኒ፡ መንገሌሁ፡ እኩኖ፡ ወራሴ፨
-
- ሰላም፡ ለበድነ፡ ሥጋከ፡ ዘተኀብአ፡ ውስተ፡ ዕፅ፨
- በእደ፡ ብርሃናዊ፡ መልአክ፡ ወፍሡሐ፡ ገጽ፨
- ካዕበ፡ ተውህበ፡ ይግንዝዎ፡ ለሠናያነ፡ ግዕዝ፡ አብያጽ፨
- ሙፃአ፡ ሃይማኖት፡ ፊልጶስ፡ አንቀጽ፨
- ባልሐኒ፡ በማዕልት፡ እንዘ፡ ይሰርር፡ ሐጽ፨
-
- ይሔይሰኒ፡ መዊት፡ እምይትባህነነኒ፡ ምዝጋናየ፨
- ኢይግባእ፡ ነዳይ፡ ተሐሪርየ፨
- አቅረብኩ፡ ለከ፡ ዘስብሐተ፡ ማሕሌት፡ ንዋየ፨
- እምኀቤከ፡ አባ፡ ምንት፡ ዐሥብየ፨
- ፊልጶስ፡ ሀበኒ፡ መክፈልተ፡ ሠናየ፨