Subjects
Apostle
ቶማስ፡
Tomās
Thomas
Thomas
Malkəʾ
-
- እስመ፡ ብዙኀን፡ እለ፡ አኀዙ፡ ይወጥኑ፡ ወይንግሩ፨
- ውዳሴ፡ ሐዋርያት፡ በከመ፡ አእመሩ፨
- ረትዐኒ፡ ሊተ፡ እትልዎ፡ እምጥንተ፡ ዝክሩ፨
- ለቶማስ፡ መምህርየ፡ ሶበ፡ አደመኒ፡ ፍቅሩ፨
- መባአ፡ ማሕሌት፡ ንስቲተ፡ አቄርብ፡ ለክብሩ፨
-
- መቅድመ፡ ሰላም፡ አቄርብ፡ ለተጸንሶትከ፡ በከርሥ፨
- በሰብሳበ፡ ንጽሕ፡ ዘእንበለ፡ ርኵስ፨
- ፀሓየ፡ ህንድኬ፡ ቶማስ፡ ብርሃነ፡ ሰማይ፡ ወየብስ፨
- ሰረገላከ፡ ምሥጢር፡ ወሩጸትከ፡ መንፈስ፨
- ዘኢያተገከ፡ ዐረባይ፡ ነፋስ፨
-
- ሰላም፡ ለሥዕርተ፡ ርእስከ፡ ለለ፡ አሐዱ፡ አሐዱ፨
- በቅብአ፡ መለኮት፡ እለ፡ ጽሕዱ፨
- ቶማስ፡ ፀሓይ፡ ለእግዚአብሔር፡ ትርሲተ፡ ወልዱ፨
- እምባሕረ፡ ልሳን፡ ዘይፈልሕ፡ ሞገዱ፨
- በኀይለ፡ ጸሎተከ፡ አበሐኒ፡ እዕዱ፨
-
- ሰላም፡ እብል፡ ለመልክአ፡ አባልከ፡ ኵሉ፨
- ለለ፡ አሐዱ፡ ዘበበ፡ አምሳሉ፨
- ፀሓይ፡ ቶማስ፡ አሰረ፡ ንጉሥ፡ ዘትተሉ፨
- መንገለ፡ ስእለትየ፡ በተመይጦ፡ አእዛንከ፡ ጽሉ፨
- ወመክፈልተ፡ ርስተከ፡ ሊተ፡ መምህርየ፡ አድሉ፨