Subjects
Apostle
ጳውሎስ፡
Ṗāwlos
Paul
Paul
Malkəʾ
-
- ውዳሴ፡ ሰላምከ፡ ዘወጠንኩ፡ ከመ፡ እክሀል፡ ፍጻሜ፨
- ተራድአኒ፡ ጳውሎስ፡ መምህረ፡ አሕዛብ፡ ዘሮሜ፨
- ዝክረ፡ ስምከ፡ ያሜንን፡ መዐዛ፡ አበሜ፨
- ክድነነ፡ ዐጽፈ፡ ጽድቀከ፡ አመ፡ ሰዓተ፡ ደይን፡ ዕድሜ፨
- በመዋዕለ፡ ከረምት፡ ምድረ፡ ከመ፡ ይከድን፡ ጊሜ፨
-
- ሰላም፡ ለሥዕርተ፡ ርእስከ፡ ከመ፡ ቋዕ፡ ጸሊም፨
- በስዐ፡ ክለሌከ፡ ቄሓት፡ ወተስረየት፡ በደም፨
- ጳውሎስ፡ ፀሓይ፡ ብርሃነ፡ ዓለም፨
- ኄረ፡ ነገድ፡ እስራኤላዊ፡ ዘብንያም፨
- ዝክረ፡ ውዳሴከ፡ ይደምፅ፡ በሮም፨
-
- ሰላም፡ እብል፡ ለመልክአ፡ ሥጋከ፡ በአስተርክቦ፨
- እለ፡ ጻመዋ፡ በስራሕ፡ ወበተመንድቦ፨
- በሒጣነ፡ ነገር፡ ወበተጠብቦ፨
- ትፈቱ፡ ኅሊና፡ ልብየ፡ ለካህናቲከ፡ የብቦ፨
- ጳውሎስ፡ ለገብርከ፡ አመክዕብ፡ ዐሥቦ፨
-
- ኵሎሙ፡ ሐዋርያት፡ ይፌውሱ፡ አኮኑ፨
- እደዊሆሙ፡ ኀበ፡ ይሜጥኑ፨
- አእፅምትየ፡ ይብሉ፡ ዘከመ፡ ጳውሎስ፡ መኑ፨
- ንስቲተ፡ መቲሮ፡ እምጽንፈ፡ ልብሱ፡ ወሰበኑ፨
- ለፈውሰ፡ ድዉያን፡ ምስለ፡ ላእክ፡ ይፈኑ፨