Subjects
Apostle
ጴጥሮስ፡
Ṗeṭros
Peter
Peter
Malkəʾ
-
- አቀድም፡ በረድኤተ፡ እግዚእነ፡ ከመ፡ እጽሐፍ፡ ዜናሁ፨
- ለጴጥሮስ፡ ሐዋርያሁ፨
- አባላቲሁ፡ እኤምኅ፡ እምርእሱ፡ እስከ፡ እገሪሁ፨
- አምሕዎ፡ ፍቁራንየ፡ አቡክሙ፡ ናሁ፨
- ሥልጣነ፡ ሰማይ፡ ወምድር፡ ዘሀሎ፡ ኀቤሁ፨
-
- ዛቲ፡ ይእቲ፡ ዳግሚትየ፡ ከመ፡ እጽሐፍ፡ ጽድቆ፨
- ዘሰርሐ፡ ሎቱ፡ ልብየ፡ ጽሂቆ፨
- ጴጥሮስ፡ ክቡር፡ ዘወንጌለ፡ መንፍሥት፡ መሰንቆ፨
- ብዝኀ፡ ውዳሴሁ፡ ወዝክረ፡ ኂሩቶ፡ ኆሊቆ፨
- ልሳነ፡ መዋቲ፡ ኢይክል፡ ይዜኑ፡ መንፈቆ፨
-
- ሰላም፡ ለሥዕርተ፡ ርእስከ፡ ዘጥልልት፡ በርስዓን፨
- ወኢተቀብአት፡ ቅብአ፡ ኀጥኣን፨
- ጴጥሮስ፡ ክቡር፡ ርእሰ፡ ርኡሳን፨
- ኰኵሐ፡ ሃይማኖት፡ ወመሰረተ፡ ሕግ፡ አማን፨
- ዘቦ፡ ትምህርትከ፡ ፈረየት፡ መካን፨
-
- ሰላም፡ ለአጻብዐ፡ አእጋሪከ፡ እለ፡ ድልዋት፡ ለረዊጽ፨
- ለምህሮ፡ ወንጌል፡ ወለተግሣጽ፨
- ሐጸቦን፡ ወልድ፡ በቀኒተ፡ ለንጽ፨
- በእንተ፡ አእጋሪከ፡ ጴጥሮስ፡ ሐዋርያ፡ እለ፡ ቅንዋት፡ በዕፅ፨
- አጻብዐ፡ አእጋርየ፡ ዕቀብ፡ እምዕቅፍት፡ ወዳሕጽ፨
-
- አኮ፡ ከመ፡ ሐናንያ፡ ወብእሲቱ፡ እለ፡ ቀስጡ፨
- ለዐጸደ፡ ወይን፡ እምሴጡ፨
- ኅሊና፡ ልብየ፡ ዘበጽዐ፡ እምውስጡ፨
- ፍጹም፡ አምኃ፡ ሰላም፡ ለከ፡ እሜጡ፨
- ለዐሥበ፡ ሱላምየ፡ እምኀቤከ፡ ይበዝኅ፡ ተውላጡ፨