Subject
Angelic
ራጉኤል፡
Rāguʾel
Raguel
Raguel
Malkəʾ
-
- ትባርኮ፡ ነፍስየ፡ ለእግዚአብሔር፨
- ወኵሉ፡ አዕጽምትየ፡ ለስሙ፡ ክቡር፨
- ዓዲ፡ እትጋነይ፡ ለአልአከ፡ ኀይሉ፡ በመዝሙር፨
- እንዘ፡ ኢድልወትየ፡ እቤ፡ ለዘውስተ፡ ሰማይ፡ እምድር፨
- ለመልክእከ፡ ራጉኤል፡ ሰላም፡ ወፍቅር፨
-
- ሰላም፡ ለከተማ፡ ርእስከ፡ ዘይትኬለል፡ ለግሙራ፨
- ዘኅብረ፡ እሳት፡ ጌራ፨
- ራጉኤል፡ ርኡስ፡ በዲበ፡ አእላፍ፡ ሐራ፨
- ዕቀባ፡ ለርእስየ፡ ወኩና፡ ደብተራ፨
- ከመ፡ ኢያዕብራ፡ ለጌጋይ፡ ሐሩራ፨
-
- ሰላም፡ እብል፡ ለኵሎሙ፡ መልክእከ፡ ዘበበ፡ ፍቅዱ፨
- ራጉኤል፡ መልአክ፡ እምነ፡ ሊቃናት፡ አሐዱ፨
- ወሰላም፡ ለህላዌከ፡ እንዘ፡ ያንበለብል፡ ነዱ፨
- ለንጉሠ፡ ስብሐት፡ ዘልፈ፡ ዘትቀውም፡ በዐውዱ፨
-
- አባእኩ፡ ለከ፡ መባእየ፡ እምዘ፡ ብየ፨
- አምጣነ፡ ክሂሎትየዔ
- እጼውዐከ፡ ራጉኤል፡ እማዕምቀ፡ ልብየ፨
- ተወከፍ፡ መባእየ፡ ወሥመር፡ ቃልየ፨
- በሰይፈ፡ እዴከ፡ ጽባእ፡ ፀርየ፨