መልክአ፡ ራጉኤል፡ Malkəʾa Rāguʾel

Image of Raguel

Malkəʾ

    • ትባርኮ፡ ነፍስየ፡ ለእግዚአብሔር፨
    • ወኵሉ፡ አዕጽምትየ፡ ለስሙ፡ ክቡር፨
    • ዓዲ፡ እትጋነይ፡ ለአልአከ፡ ኀይሉ፡ በመዝሙር፨
    • እንዘ፡ ኢድልወትየ፡ እቤ፡ ለዘውስተ፡ ሰማይ፡ እምድር፨
    • ለመልክእከ፡ ራጉኤል፡ ሰላም፡ ወፍቅር፨
    • ሰላም፡ ለከተማ፡ ርእስከ፡ ዘይትኬለል፡ ለግሙራ፨
    • ዘኅብረ፡ እሳት፡ ጌራ፨
    • ራጉኤል፡ ርኡስ፡ በዲበ፡ አእላፍ፡ ሐራ፨
    • ዕቀባ፡ ለርእስየ፡ ወኩና፡ ደብተራ፨
    • ከመ፡ ኢያዕብራ፡ ለጌጋይ፡ ሐሩራ፨
    • ሰላም፡ እብል፡ ለኵሎሙ፡ መልክእከ፡ ዘበበ፡ ፍቅዱ፨
    • ራጉኤል፡ መልአክ፡ እምነ፡ ሊቃናት፡ አሐዱ፨
    • ወሰላም፡ ለህላዌከ፡ እንዘ፡ ያንበለብል፡ ነዱ፨
    • ለንጉሠ፡ ስብሐት፡ ዘልፈ፡ ዘትቀውም፡ በዐውዱ፨
    • አባእኩ፡ ለከ፡ መባእየ፡ እምዘ፡ ብየ፨
    • አምጣነ፡ ክሂሎትየዔ
    • እጼውዐከ፡ ራጉኤል፡ እማዕምቀ፡ ልብየ፨
    • ተወከፍ፡ መባእየ፡ ወሥመር፡ ቃልየ፨
    • በሰይፈ፡ እዴከ፡ ጽባእ፡ ፀርየ፨