Subjects
Angelic
ፋኑኤል፡
Fānuʾel
Phanuel
Phanuel
Malkəʾ
-
- ኦሰዳዲሁ፡ ከመ፡ ኢይስኪ፡ ቀዊሞ፨
- ለአርዌ፡ መስሕት፡ መፍቀሬ፡ ሕሰሞ፨
- ፋኑኤል፡ መልአከ፡ ኀይሉ፡ ለዘየኀድር፡ አርያሞ፨
- ለልሳንየ፡ ልሱሕ፡ ጼውከ፡ ይቅሥሞ፨
-
- ሰላም፡ ሰላም፡ ወአምኃ፨
- ለቅድስናከ፡ እብሎ፡ ሰርከ፡ ወነግሀ፨
- ከመ፡ አስተብፅዕከ፡ በፍሥሓ፨
- ፋኑኤል፡ ኀቤየ፡ አፍጥን፡ በጺሐ፨
- በጼወ፡ መለኮት፡ ቅሥም፡ አፉየ፡ ልሱሐ፨
-
- ሰላም፡ ለፋኑኤል፡ እንበለ፡ አርምሞ፡ ከሊሖ፨
- ለእግዚአብሔር፡ ዘይሴብሖ፨
- እምጸብአ፡ ሰይጣናት፡ ለተባልሖ፨
- ከመ፡ ተሐቅፍ፡ እንቆሖ፡ አንስትያዊት፡ ዶርሆ፨
- ለመርጡልነ፡ ይክድና፡ አክናፈ፡ ሰፊሖ፨
-
- ሰላም፡ እብል፡ ለከተማ፡ ርእስከ፡ ድሉል፨
- በሜላተ፡ ብርሃን፡ ክሉል፨
- መልአከ፡ ቅዳሴ፡ ፋኑኤል፨
- አስተምሕር፡ ላተ፡ ኀበ፡ ልዑል፨
- ጥቅመ፡ መድኃኒቱ፡ ዑዳ፡ ለዛቲ፡ መርጡል፨
-
- ሰላም፡ ለቆምከ፡ ጥቀ፡ አዳም፡ ሥነ፡ ሱራኄሁ፨
- ወዐቢይ፡ ኑኁ፨
- ፋኑኤል፡ መልአክ፡ ለልዑል፡ ሊቀ፡ ሐራሁ፨
- ወሰላም፡ ለማሕሌትከ፡ ዘጥዑም፡ ቃናሁ፨
- ከመ፡ አርጋኖን፡ ዘይደምሕ፡ ጕሕናሁ፨
-
- ሰላም፡ ለፋኑኤል፡ መክበበ፡ አእላፍ፡ ትጉሃን፨
- ሰዳዴ፡ መናፍስት፡ ርኩሳን፨
- ዓዲ፡ ሰላም፡ ለቀጸላ፡ ርእሱ፡ ብርሃን፨
- ወሰላም፡ ለመልክአ፡ ገጹ፡ ኵሎን፨
- ፈጽሞ፡ ዕበዩ፡ ለነቢብ፡ ኢይክል፡ ልሳን፨