Subjects
Martyr
ቂርቆስ፡
Qirqos
Cyricus
Cyricus
Malkəʾ
-
- ሰላም፡ ለሥዕርተ፡ ርእስከ፡ ዘይጼኑ፡ ዕፍረተ፨
- ወይመስል፡ ሜላተ፡ ወከመ፡ አረጋይ፡ ዘቦቱ፡ ሲበተ፨
- እንተ፡ ዘፈጸመ፡ ምእተ፡ ዓመተ፨
- ቂርቆስ፡ ሕፃን፡ አእምሮትከ፡ ተአኵተ፨
- እምፍርፋረ፡ ሀብትከ፡ ወጸጋከ፡ ክፍለኒ፡ ንስቲተ፨
-
- ሰላም፡ ለሥዕርተ፡ ርእስከ፡ በመላጼ፡ ዘተላጸየ፨
- ወሰጡ፡ ዲቤሁ፡ እሳተ፡ ውዑየ፨
- እምነደ፡ እሳት፡ ሥጋከ፡ ምንተኒ፡ ኢትነክየ፨
- ብርሃነ፡ ፀሓይ፡ በላዕሌከ፡ ዋከየ፨
- ቂርቆስ፡ ሕፃን፡ መንክራቲከ፡ ትርእየ፨
- ሥዕርተ፡ ርእስከ፡ ለርእስየ፡ ይኩና፡ ምስካየ፨
-
- ሰላም፡ ለዕርገትከ፡ ውስተ፡ ኤልያስ፡ ሰረገላ፨
- ከመ፡ ትባእ፡ ብሔረ፡ ተድላ፨
- ቂርቆስ፡ ሕፃን፡ ለኢየሉጣ፡ እጓላ፨
- በኪዳን፡ ወበመሐላ፡ ተፅዒነከ፡ ጌርጌላ፨
- ኀበ፡ ቦእከ፡ ቤተ፡ መርዐ፡ አብአኒ፡ ማእከላ፨