Subjects
Righteous
ገብረ፡ ክርስቶስ፡
Gabra Krəstos
Alexius
Gabra Krəstos
Alexius
Malkəʾ
-
- ሶበ፡ እወጥን፡ መኃልየ፡ ለመልክእከ፡ ኵሎን፨
- እንዘ፡ እዌድሶን፡ በበ፡ ኢናሆን፨
- ጸሊ፡ ሊተ፡ ገብረ፡ ክርስቶስ፡ መእመን፨
- ከመ፡ ይትወሀበኒ፡ ጽዋዐ፡ እሳት፡ ርሱን፨
- እንተ፡ ሰትዮ፡ ዕዝራ፡ ካህን፨
-
- ሰላም፡ ለልደትከ፡ በሰብሳበ፡ ዘርእ፡ ኢማሳኒ፨
- በትእዛዘ፡ አምላክ፡ ረቦኒ፨
- ገብረ፡ ክርስቶስ፡ አቡየ፡ ሐውዛተ፡ ዓለም፡ መናኒ፨
- አክናፈ፡ ንጽሕከ፡ ብሔረ፡ ብርሃን፡ ይሰደኒ፨
- ፍተ፡ አብ፡ ለውሉድ፡ እምኵሉ፡ ይሴኒ፨
-
- ሰላም፡ ለዝክረ፡ ስምከ፡ አብደል፡ መሲሕ፡ ኀየል፨
- ዘበትርጓሜሁ፡ ገብረ፡ ክርስቶስ፡ ብሂል፨
- ወዓዲ፡ ስምከ፡ በአፈ፡ ማርያም፡ ድንግል፨
- ብእሴ፡ እግዚአብሔር፡ ትሩፈ፡ ምግባር፡ ወገድል፨
- በጽዋዔ፡ ስምከ፡ ተማሕፀንኩ፡ እምአርዌ፡ ህጕል፨
-
- ሰላም፡ እብል፡ ዘዚአከ፡ መልክአ፨
- ዘውስጥ፡ ወዘአፍአ፨
- ማእሰ፡ ሥጋከ፡ ክሡተ፡ ወአእፅምቲከ፡ ኅቡአ፨
- ደምከ፡ ርጉአ፡ ወአሥራውከ፡ ሥሩዐ፨
- በመልክእከ፡ ኵሎን፡ ተማሕፀንኩ፡ ርቱዐ፨
- ገብረ፡ ክርስቶስ፡ ትቅበአኒ፡ ዘመንፈስ፡ ቅቡአ፨