Details
-
- ሰላም፡ ለልደትከ፡ በንጹሕ፡ ስብሳብ፨
- ላሊበላ፡ ጠቢብ፨
- ዘአስተርአይከ፡ ከመ፡ ዘብሩህ፡ ከብካብ፨
- ተማሕፀንኩ፡ በልደትከ፡ ወንጌላዊያን፡ ሕዝብ፨
- ከመ፡ ትሰውረነ፡ እምተኵላ፡ ወዝእብ፨
-
- ሰላም፡ ለልደትከ፡ መንፈሰ፡ ጥበብ፡ ዘኦዳ፨
- በአምሳለ፡ ንህብ፡ ጸዐዳ፨
- ላሊበላ፡ ብፁዕ፡ ለሰርዌ፡ ሃይማኖት፡ ዐምዳ፨
- ተማሕፀነ፡ በልደትከ፡ ለቤተ፡ ክርስቲያን፡ ውሉዳ፨
- ኢያስጠመነ፡ ለዓለም፡ ሞገዳ፨
-
- ሰላም፡ ለሥዕርተ፡ ርእስከ፡ በቅብዐ፡ ወንጌል፡ እለ፡ ጠብላ፨
- ዐምደ፡ ሃይማኖት፡ ላሊበላ፨
- ዘዐቀብከ፡ ሕጎ፡ ለክርስቶስ፡ በቋዔ፡ ተድላ፨
- ተማሕፀነ፡ በሥዕርትከ፡ ኵነነ፡ ቀጸላ፨
- አብሐነ፡ ንኪድ፡ አንበሳ፡ ወተኵላ፨
-
- ሰላም፡ በዲበ፡ ሰላም፡ ለመልክእከ፡ ኵሎን፨
- ለነፍስከ፡ ወሥጋከ፡ በበ፡ ኢናሆን፨
- ለአፅምከ፡ ወደምከ፡ እለ፡ ተቀደሰ፡ በሜሮን፨
- ለሐንገዝከ፡ ወአስራዊከ፡ እለ፡ ይምዕዛ፡ እምልብን፨
- ላሊበላ፡ አቡየ፡ በፍቅረ፡ ማርያም፡ ርሱን፨
- በገነተ፡ ጽድቅ፡ ዘትነቁ፡ ቀርን፨
-
- ሰላም፡ ሰላም፡ ላሊበላ፡ እብሎ፨
- መንግሥተ፡ እስራኤል፡ ለዘሜጠ፡ በተንብሎ፨
- ናኦድ፡ መሲሕ፡ በፍቅረ፡ ሐሊሎ፨
- ጊዜ፡ ጸውዖ፡ ቃሎ፡ አልዒሎ፨
- ዘሰአለ፡ ኵሎ፡ አሆ፡ ይበሎ፨