Subjects
Righteous
አቢብ፡
ʾAbib
Phib
Phib
Malkəʾ
-
- በኀይለ፡ እስትንፋስ፡ ኅቡእ፡ ዘይወፅእ፡ እምከርሥ፨
- በኪነ፡ ኅሊና፡ ዘነፍስ፨
- እማሕያቲከ፡ እንግር፡ ወዕበያቲከ፡ እኅሥሥ፨
- እንተ፡ ኀደረ፡ ላዕሌከ፡ አገበረኒ፡ መንፈስ፨
- ዕቍረ፡ ወርቅየ፡ አቢብ፡ ለብእሲ፡ ጽኑስ፨
-
- ሰላም፡ ለቀጸላ፡ ርእስከ፡ ዘኢገብርዎ፡ ጠቢባን፨
- ወኪነ፡ ግብሩ፡ መፍትው፡ ለዐይን፨
- አባ፡ አቢብ፡ አበ፡ ብዙኃን፨
- ተማሕፀንኩ፡ በቀጸላከ፡ አመ፡ ይበርሁ፡ ጻድቃን፨
- በዲበ፡ ርእስየ፡ አንብር፡ ቀጸላ፡ ዘሥን፨
-
- ሰላም፡ ሰላም፡ ለሥዕርተ፡ ርእስከ፡ ሥርጉት፨
- በአካለ፡ ርስእ፡ ሲበት፨
- ዘኢተወለጣ፡ ዲቤሃ፡ ቅብዐ፡ ኀጢአት፨
- ተማሕፀንኩ፡ በሥዕርትከ፡ ከመ፡ ኢይርከበኒ፡ ሞት፨
- ጸጕረ፡ አበሳየ፡ ምላሕ፡ አቢብ፡ ሰማዕት፨
-
- ሰላም፡ ለመልክእከ፡ ነውረ፡ ዘአልቦ፨
- ግማኔ፡ ጌጋይ፡ ዘኢቀርቦ፨
- አቢብ፡ ንጹሕ፡ ወኅሩይ፡ እምተሐዝቦ፨
- ማሕሌተ፡ መልክእከ፡ ለዘአቅረበ፡ እምዘቦ፨
- መሐልይሁ፡ ባርክ፡ ወፀግዎ፡ ዐስቦ፨
-
- ሰላም፡ ለፀአተ፡ ነፍስከ፡ ዕለታተ፡ ሰባዔ፨
- እንዘ፡ ትረክብ፡ ካማ፡ ከማሁ፡ ትንሣኤ፨
- ቀርነ፡ ዐቢይ፡ አቢብ፡ አመ፡ ኮንከ፡ ጸዋዔ፨
- አቢብ፡ ሰማዕት፡ ሖርከ፡ በጕጓኤ፨
- እንዘ፡ ትብል፡ አነ፡ ዘክርስቶስ፡ ቍልዔ፨