Subjects
Martyr
መርቆሬዎስ፡
Marqorewos
Mercurius
Mercurius
Malkəʾ
-
- እወጥን፡ ዝክረ፡ ውዳሴከ፡ ወኀይላቲከ፡ አጥናነ፨
- በመዋዕለ፡ ዳክዮስ፡ ዘኮነ፨
- መርቆርዮስ፡ አሕቱ፡ ዘውሳጤ፡ ልብየ፡ ዐይነ፨
- ከመ፡ ኢያዕቢ፡ ጸላኢ፡ በላዕሌየ፡ ልሳነ፨
- እንዘ፡ ይብል፡ ዘወጠነ፡ ፈጽሞተ፡ ስእነ፨
-
- ሰላም፡ ለዝክረ፡ ስምከ፡ ስመ፡ እግዚአብሔር፡ ሞገሳ፨
- ወረድኤት፡ ለዘየኀሥሣ፨
- መርቆርዮስ፡ ጥቡዕ፡ ወውኩል፡ ከመ፡ አንበሳ፨
- ሶበ፡ ጸዋዕኩ፡ ስመከ፡ በለኒ፡ ሐዌሳ፨
- ወእምላዕሌየ፡ አሰስል፡ አበሳ፨
-
- ሰላም፡ እብል፡ ለኵሎን፡ መልክእከ፡ በአኅብሮ፨
- መርቆርዮስ፡ ነቅዐ፡ አእምሮ፨
- ዕበየ፡ ሥቃያቲሆን፡ ብዙኀ፡ ዘመድምም፡ ለተናግሮ፨
- በከመ፡ አቅሞን፡ ስእንኩ፡ ፈክሮ፨
- በአምጣነ፡ ክህልኩ፡ ሕቀ፡ አቅረብኩ፡ ዘምሮ፨
-
- በከመ፡ ተወክፈ፡ እግዚእነ፡ እንተ፡ ዘመበለት፡ ጸራይቀ፨
- እምእለ፡ አብኡ፡ ብሩረ፡ ወወርቀ፨
- መርቆርዮስ፡ ነጽር፡ እንተ፡ ዘኅሊናየ፡ ጻህቀ፨
- ውዳሴ፡ ዚአከ፡ ዘነበብኩ፡ ሕቀ፨
- በቅድሜከ፡ ይእበይ፡ ወይፈድፍድ፡ ጥቀ፨
-