Subjects
Martyr
ፊላታዎስ፡
Filātāwos
Philotheus
Philotheus
Malkəʾ
-
- በስመ፡ አብ፡ ወወልድ፡ ወመንፈስ፡ ቅዱስ፡ አምላክ፡ አሐዱ፨
- እንዘ፡ ያዘምር፡ በከመ፡ ልማዱ፨
- ___፡ መሲሕየ፡ ____፡ ___ም፡ ወልዱ፨
- መልክአ፡ ሰማዕታት፡ አዘዘ፡ በድርሳን፡ ይዑዱ፨
-
- ሰላም፡ ለከ፡ ፊላታኦስ፡ ኀበ፡ ሳሌም፡ አንቀጽ፨
- እንተ፡ ዘዐረገ፡ ለገቢረ፡ በዓል፡ እምግብጽ፨
- ማኅፈደ፡ ሃይማኖት፡ አንተ፡ ዲበ፡ ኰኵሐ፡ ወንጌል፡ ሕኑጽ፨
- አቡየ፡ አባ፡ መገሥጽ፨
- እትወለተወከ፡ እምዘ፡ ይሰርር፡ ሐጽ፨
-
- ሰላም፡ ለዝክረ፡ ስምከ፡ ስመ፡ ዘየዐቢ፨
- ዘተሰጎከ፡ እምኀበ፡ ኢየሱስ፡ ረቢ፨
- ሰማዕት፡ መዋኢ፡ ቀላየ፡ ደመ፡ ስምዕ፡ ዘትጸቢ፨
- ካህናተ፡ መሰግላነ፡ ወግልፍዋተ፡ ዘትደቢ፨
- በስምከ፡ አባ፡ ስምየ፡ አዕቢ፨
-
- ሰላም፡ እብል፡ ለመልክእከ፡ በእማኄ፨
- ፊላታኦስ፡ ምዑዝ፡ እምነ፡ ርሔ፨
- ለስምከ፡ አባ፡ ኣቄርብ፡ ስባሔ፨
- መጽሐፈ፡ ስምዕከ፡ ኮነኒ፡ መራሔ፨
- ክድኖን፡ ለመልክእየ፡ ጸጋከ፡ መብርሄ፨