Subjects
Martyr
ሱስንዮስ፡
Susənyos
Sisinnius
Sisinnius
Malkəʾ
-
- በእንተ፡ ዕበይከ፡ ወሥነ፡ ገድልከ፡ ሰማዕቱ፡ ሱስንዮስ፨
- አቀድም፡ አእኵቶቶ፡ ለኢየሱስ፡ ክርስቶስ፨
- እንተ፡ ዘአጽናዕካ፡ ትማእ፡ በኀይለ፡ መንፈሱ፡ ቅዱስ፨
- ለለ፡ አማኅኩከ፡ በቃለ፡ ሰላም፡ ሐዲስ፨
- እምከናፍርየ፡ ረሲ፡ ይትከዐው፡ ሞገስ፨
-
- ሰላም፡ ለዝክረ፡ ስምከ፡ ዘሐዋዝ፡ ጣዕሙ፨
- ሱስንዮስ፡ ሰማዕት፡ ለክርስቶስ፡ ሱታፌ፡ ሕማሙ፨
- በመጽሐፈ፡ ሕይወት፡ ስምከ፡ ኀበ፡ ተጽሕፈ፡ ቀዲሙ፨
- ጸሐፎ፡ ለስምየ፡ ለበግዐ፡ ምሥጢር፡ በደሙ፨
- ተማሕፀንኩ፡ ለዓለም፡ ኢይትፋእ፡ ማሕተሙ፨
-
- ሰላም፡ ለነፍስከ፡ እደ፡ መልአከ፡ ሞት፡ ዘኢሆካ፨
- በትፍሥሕት፡ ዘወፅአት፡ ወሰገደት፡ ቅድመ፡ አምላካ፨
- ሱስንዮስ፡ ላቲ፡ በትዕግሥትከ፡ አጥረይካ፨
- ተማሕፀንኩ፡ በነፍስከ፡ ሥርጉተ፡ ሥን፡ ወዋካ፨
- ለትኩን፡ ነፍስየ፡ ዘለከ፡ ምህርካ፨
-
- ኦሱስንዮስ፡ ተወከፍ፡ ዘንተ፡ መሥዋዕተ፡ ሰላምየ፨
- ዘአባእኩ፡ ለከ፡ እምተጽናስየ፨
- እመ፡ ተወከፍከኒ፡ ሥመር፡ ቃለ፡ አፉየ፨
- ቅድሜከ፡ ጸሎትየ፡ ዐሪጋ፡ ሰማየ፨
- እንበለ፡ በረከት፡ ዕራቀ፡ ኢትግባእ፡ ኀቤየ፨