Subjects
Martyr
መርምህናም፡
Marməhnām
Mar Behnam
Mar Behnam
Malkəʾ
-
- ሰላም፡ ሰላም፡ ለሥዕርተ፡ ርእስከ፡ መርብህናም፨
- ዘዱላሌሁ፡ ተብህለ፡ ከመ፡ ቋዕ፡ ጸሊም፨
- ወለለ፡ አሐቲ፡ አሐቲ፡ እብሎን፡ ሰላም፨
- በሥዕርተ፡ ርእስከ፡ ተማሕፀንኩ፡ ለነዋኅ፡ ዓም፨
- ከመ፡ ትዕቀበኒ፡ እምኀዘን፡ ግሩም፨
-
- ሥዕርተ፡ ርእስከ፡ ኍለቋት፡ በቅድሜሁ፡ ለልዑል፨
- እምኔሆን፡ አሐቲ፡ ዘኢትትወሀብ፡ ለሀጕል፨
- እስመ፡ ከማሁ፡ ይቤ፡ ወንጌል፨
- በሥዕርተ፡ ርእስከ፡ ተማሕፀንኩ፡ መርብህናም፡ አዛል፨
- ወጋይድ፡ እምወይጠል፡ ወሬዛ፡ ኀያል፨
-
- ለድማሐ፡ ርእስከ፡ እብል፡ ሐዌሳ፡ ሐዌሳ፨
- ቀጸላ፡ ብርሃናት፡ ሞገሳ፨
- ይቤላ፡ ጳውሎስ፡ ክርስቶስ፡ ርእሳ፨
- በድማሐ፡ ርእስከ፡ ተማሕፀንኩ፡ ለድማሕየ፡ ቀድሳ፨
- መርብህናም፡ ሕሩም፡ እምዓለም፡ ደነሳ፨
-
- ዘበበ፡ አሐቲ፡ አሐቲ፡ ዘመላክኢከ፡ ስመ፨
- እንተ፡ ጸውዐት፡ ፍጹመ፨
- አፉየ፡ አፉከ፡ ኢያስትት፡ ስዒመ፨
- መርብህናም፡ ረሲ፡ ውስተ፡ አፉየ፡ ሥዩመ፨
- ዘመንፈስ፡ ቅዱስ፡ ማዕጾ፡ ወዐቅመ፨