Subjects
Martyr
ገላውዴዎስ፡
Galāwdewos
Claudius
Claudius
Malkəʾ
-
- እዌጥን፡ እማኄከ፡ እንዘ፡ ትረድአኒ፡ ለፍጻሜ፨
- ከሀሊተ፡ ጸሎትከ፡ ዘትምዕዝ፡ እምአበሜ፨
- ገላውድዮስ፡ ማር፡ እምዘመደ፡ መንግሥት፡ ዘሮሜ፨
- ለዘተአመንኩ፡ ስመከ፡ ቀዋሜ፨
- ዲበ፡ ዓመትየ፡ ወስከኒ፡ ዕድሜ፨
-
- ሰላም፡ እብል፡ ለሥዕርትከ፡ ድሉል፨
- በአክሊለ፡ ብርሃን፡ ክሉል፨
- ገላውድዮስ፡ ዘይት፡ ውስተ፡ ቤተ፡ ልዑል፡ ትኩል፨
- ተማሕፀንኩ፡ በሥዕርትከ፡ ከመ፡ እትዐቀብ፡ እምሀጕል፨
- እስመ፡ ጸሎትከ፡ አድኅኖተ፡ ትከል፨
-
- ሰላም፡ ለፀአተ፡ ነፍስከ፡ እምነ፡ ሥጋ፡ መዋቲ፨
- ጸወዐ፡ ወይነ፡ ስምዕ፡ ሰቲያ፡ እንተ፡ ቀድሑ፡ ላቲ፨
- ገላውድዮስ፡ ድንግል፡ መዋኤ፡ ሰይጣን፡ መስሓቲ፨
- ለነፍስከ፡ ንጽሕት፡ እትመሐፀን፡ ባቲ፨
- ለነፍሰ፡ ዚአየ፡ በላ፡ መክፈልትየ፡ አንቲ፨