Subjects
Martyr
ፋሲለደስ፡
Fāsiladas
Basilides
Basilides
Malkəʾ
-
- ሰላም፡ ለፋሲለደስ፡ እንበይነ፡ ስምዓ፡ ጽድቅ፡ ዘሐመ፨
- መንግሥተ፡ ሰማያት፡ ኀሠሠ፡ መኒኖ፡ ዓለመ፨
- በትእምርተ፡ መስቀል፡ እምንእሱ፡ ተሐትመ፨
- ከመ፡ እንተ፡ ፈረስ፡ በልጓም፡ ተለጕመ፨
- ሶበ፡ አውቀዩ፡ ርእሱ፡ እለ፡ ይጸልኡ፡ ሰላመ፨
- ዘምስለ፡ ሐሊብ፡ ሥጋሁ፡ አንቅዐ፡ ደመ፨
-
- ሰላም፡ ለርእስከ፡ በአርዑተ፡ ወንጌል፡ ዘተቀነወ፨
- ህየንተ፡ ጻማሁ፡ አክሊለ፡ ምዝጋና፡ ሠርገወ፨
- ፋሲለደስ፡ ዓለመ፡ እንተ፡ ረሰይከ፡ እደወ፨
- በእንተ፡ ርእስከ፡ ዘይምዕዝ፡ አፈወ፨
- መግበኒ፡ ኢይኩን፡ ልሕወ፨
-
- ሰላም፡ ለመልክእከ፡ ሥቃያተ፡ ስምዕ፡ ዘተወከፋ፨
- ከመ፡ እንተ፡ ወርቅ፡ በእሳት፡ ትነጥፋ፨
- ፋሲለደስ፡ ጻማዊ፡ ለረኪበ፡ ሠናይ፡ ተስፋ፨
- ተማሕፀንኩ፡ በመልክእከ፡ ከመ፡ ትኩነኒ፡ ሐገፋ፨
- ለነፍስየ፡ በሰላም፡ ምስሌከ፡ አዕርፋ፨
-
- ጊዮርጊስ፡ ፋሲለደስ፡ ፊቅጦር፡ ወገላውድዮስ፨
- አውሳብዮስ፡ ወመርቆርዮስ፡ ጥዑመ፡ ስም፡ አቦሊ፡ አባዲር፡ ወዮስጦስ፨
- ከዋክብት፡ ዘአንጾኪያ፡ ሰማዕታተ፡ ሥሉስ፡ ቅዱስ፨
- በትንባሌክሙ፡ ተማሕፀንኩ፡ ጽኑስ፨
- ደመ፡ ሰምዕክሙ፡ ያንጽሐኒ፡ እምጌጋይ፡ ወርኵስ፨