Details
- [The beginning of the text is lost.]
-
- በኢየሩሳሌም፡ ኖብ፡ ሐነጸ፡ አብያተ፨
- ወበጽዮን፡ ዘርአ፡ ከመ፡ ይእርር፡ በረከተ፨
- ተገልበበ፡ ብዕለ፡ ጸጋ፡ ወተከድነ፡ ሀብተ፨
-
- ሰላም፡ ለመትከፍትከ፡ ዘኢኮነ፡ ጸጓረ፨
- ዕፀወ፡ ሐጢቦ፡ ከመ፡ አቤሜሌክ፡ ኢጾረ፨
- እንዘ፡ ንኡስ፡ በአከሉ፡ ጥበበ፡ መከረ፨
- ብፁዕ፡ ኖብ፡ በአሚን፡ ዘተሣረረ፨
- ለመትከፍትየ፡ ክድና፡ አዝመረ፨
-
- ሰላም፡ ለዘባንከ፡ ዘተወከፍከ፡ ምንዳቤ፨
- ምእተ፡ ጥብጣቤ፨
- መቅሠፍታት፡ ኮናከ፡ ህየንተ፡ ግልባቤ፨
- ተማሕፀንኩ፡ በዘባንከ፡ ዘይጼኑ፡ ከርቤ፨
- ለውዳሴ፡ ዝክርከ፡ ወስምዕከ፡ ረስየኒ፡ ሓቤ፨
-
- ሰላም፡ ለዐሥራቲከ፡ ዘተወፈይከ፡ ሀብተ፨
- ካዕበተ፡ ምስብዒተ፨
- እምኀበ፡ ፈጣሪ፡ አመ፡ ሰለጥከ፡ መዊተ፨
- ተማሕፀንኩ፡ በዐሥራቲከ፡ ቢኖብ፡ ዘትለብስ፡ ስብሐተ፨
- በእንቲአየ፡ ተንብል፡ ምሕረተ፨