Other Titles
-
መልክአ፡ ሥላሴ፡ ሣልሳይ፡
Malkəʾa Śəllāse Śāləsāy
Third Image of the Trinity
Malkəʾ
-
- ሰላም፡ ለዝክረ፡ ስምክሙ፡ ዘሀሎ፡ ወይሄሉ፨
- ለሥዕርተ፡ ርእስክሙ፡ ወለገጽክሙ፡ ወለዐይንክሙ፡ ብርሃነ፡ ኵሉ፨
- አብ፡ ወወልድ፡ ወመንፈስ፡ ቅዱስ፡ ለንግሥክሙ፡ በብዝኀ፡ ሣህሉ፨
- እምአዕይንትየ፡ ንዋመ፡ ዝንጋዔ፡ አብጥሉ፨
- ወርእሰ፡ ኅሊናየ፡ ዘልፈ፡ ሉዓሌ፡ አልዕሉ፨
-
- ሰላም፡ ለአእዛኒክሙ፡ ወለመላትሒክሙ፡ ምስለ፡ አእናፍ፨
- ለከናፍሪክሙ፡ ወለአፉክሙ፡ ቀቀበ፡ ጰራቅሊጦስ፡ ሰይፍ፨
- አብ፡ ወወልድ፡ ወመንፈስ፡ ቅዱስ፡ ከመ፡ ዜነወ፡ መጽሐፍ፨
- ምሉእ፡ ሥላሴክሙ፡ እስከነ፡ ጽንፉ፡ ለጽንፍ፨
- ዘኢይበጽሐ፡ እግረ፡ ብእሲ፡ ወመልአክ፡ በክንፍ፨
-
- ሰላም፡ ለመልክእክሙ፡ ዘባን፡ እንተ፡ ድኅር፨
- እምርእስ፡ ቀዳሚ፡ እስከ፡ አእጋር፨
- አብ፡ ወወልድ፡ ወመንፈስ፡ ቅዱስ፡ ምሉኣነ፡ ሰማይ፡ ወምድር፨
- በከመ፡ ሰማዕነ፡ ባሕቱ፡ ንአግር፨
- እመፈ፡ ሙሴ፡ ነቢይ፡ ወኦኤጥሮስ፡ መምህር፨
-
- ስብሐት፡ ወክብር፡ ይደሉ፡ ለአብ፡ ወወልድ፡ ወመንፈስ፡ ቅዱስ፨
- እምጽንፉ፡ ለባሕር፡ እስከ፡ ማⷍለቅታ፡ ለየብስ፨
- እምአፈ፡ መላእክት፡ ወሰብእ፡ ወእመፈ፡ ቅሲስ፨
- እንዘ፡ ይብል፡ ጊዜ፡ ነግህ፡ ንሤልስ፨
-
- አብ፡ ወላዲ፡ ወወልድ፡ ወመንፈስ፡ ቅዱስ፡ እንዘ፡ ትብሉ፡ ንክዐው፡ ነገሮሙ፨
- ድኅረ፡ ተሠገወ፡ እማርያም፡ ቃለ፡ ዚአክሙ፨
- በውስተ፡ ዮርዳኖስ፡ ወበታቦር፡ መካነ፡ ስብሐት፡ ዘስሙ፨
- እስመ፡ ተጠየቀ፡ ሥላሴክሙ፡ በበ፡ አርአያሁ፡ ወአቅሙ፨
- ኅሊና፡ መላእክት፡ ወሰብእ፡ ይገኒ፡ ለክሙ፨