Subjects
Righteous
ቀውስጦስ፡
Qawəsṭos
Qawəsṭos
Qawəsṭos
Malkəʾ
-
- ሰላም፡ ለዝክረ፡ ስምከ፡ ዘተጸውዐ፡ እምቅድም፨
- ወሰላም፡ ካዕበ፡ ለሥዕርትከ፡ ጸሊም፨
- ዳዊት፡ ወልዱ፡ ለተክለ፡ ሃይማኖት፡ ፍጹም፨
- ያስተበፅዑከ፡ ልዑላነ፡ ዝክር፡ ወስም፨
- ዘበኀቤሆሙ፡ ተዐርፍ፡ ሰላም፨
-
- ሰላም፡ ለርእስከ፡ ዲበ፡ መለያልይ፡ ዘተሣረረ፨
- ወለገጽከ፡ ፍሡሕ፡ ዘተሠርገወ፡ አሚረ፨
- ለወልድከ፡ ዳዊት፡ እንዘ፡ ትሜሕረኒ፡ ምግባረ፨
- አሰስል፡ እምላዕሌየ፡ ድቀተ፡ ኃጥኣን፡ ኀሣረ፨
- ወዐጽፈ፡ ቅዱሳን፡ ዐበይት፡ ከልለኒ፡ ክብረ፨
-
- አምኃ፡ መልክእ፡ ዘለከ፡ በኍልቈ፡ እሥራ፡ ወዐሥርቱ፨
- እንዘ፡ አስተባሪ፡ ቃለ፡ ዘአቅረብኩ፡ በበ፡ ሥርዓቱ፨
- ዳዊት፡ ሥመር፡ ከመ፡ ትትወከፈኒ፡ ለለ፡ ዕለቱ፨
- ወትመጥወኒ፡ በረከተ፡ አዝማን፡ ክልኤቱ፨
- እስመ፡ ተባረከ፡ ምኔትከ፡ እፈቱ፨