Subjects
Trinitarian
አማኑኤል፡
ʾAmmānuʾel
Emmanuel
Emmanuel
Malkəʾ
-
- ኣቀድም፡ አእኵቶተከ፡ ዘአልቦ፡ ሕንካሴ፨
- ወለልደትከ፡ ሰላም፡ እንተ፡ ኢያእመረት፡ ብእሴ፨
- ኢየሱስ፡ ክርስቶስ፡ ዋሕድ፡ ዘእምሥላሴ፨
- ሃሌ፡ ሉያ፡ እንዘ፡ እብል፡ ከመ፡ እኅተ፡ ነቢይ፡ ሙሴ፨
- ከበሮ፡ እዘብጥ፡ ወእሁብ፡ ውዳሴ፨
-
- በስመ፡ ሥላሴ፡ ኣቀድም፡ እንዘ፡ ሰጊደ፡ አተሉ፨
- አእኵቶተ፡ ስምከ፡ ክርስቶስ፡ ቅድመ፡ ኦርያሬስ፡ ዘይሄሉ፨
- ኢየሱስ፡ ክርስቶስ፡ ለአብ፡ ቀዳሜ፡ ቃሉ፨
- ከመ፡ ታግዕዘኒ፡ እምአርዑተ፡ ኀጢአት፡ ኵሉ፨
- ቅዱስ፡ መንፈስከ፡ ይትፈነው፡ እምላዕሉ፨
-
- ሰላም፡ ለልደትከ፡ በቤተ፡ ልሔም፡ ዘይሁዳ፨
- በብስራተ፡ መልአክ፡ እንግዳ፨
- አርያማዊ፡ ንጉሥ፡ ተወልደ፡ በምድረ፡ በዳ፨
- ለከ፡ ክርስቶስ፡ ያበውኡ፡ ጋዳ፨
- ሰብአ፡ ሰገል፡ ዘአልቦሙ፡ ዕዳ፨