Subjects
Righteous
ዜና፡ መርቆስ፡
Zenā Marqos
Zenā Marqos
Zenā Marqos
Zenā Marqos
Malkəʾ
-
- በስመ፡ እግዚአብሔር፡ ሕያው፡ ዘይሤለስ፡ በአካል፨
- እንተ፡ ፈጠረ፡ ዓለመ፡ ለዋሕድ፡ ኀይል፨
- ዜና፡ ማርቆስ፡ ጠቢብ፡ ሰባኬ፡ ቅዱስ፡ ወንጌል፨
- እስመ፡ አሕመመኒ፡ ሐጸ፡ ፍቅርከ፡ ሥሁል፨
- ለመልክእከ፡ በበ፡ ገጹ፡ ሰላም፡ እብል፨
-
- ሰላም፡ ለፅንሰትከ፡ በሥምረተ፡ አምላክ፡ ዘኮነ፨
- ወለልደትከ፡ ብርሃን፡ እንተ፡ ከሠተ፡ አሚነ፨
- ዜና፡ ማርቆስ፡ ጴጥሮስ፡ ዘተወከይከ፡ ሥልጣነ፨
- ዘተአሥረ፡ በቃልከ፡ ይነሥእ፡ ደይነ፨
- ወዘፈታሕከ፡ እምኵነኔ፡ ይከውን፡ ድኁነ፨
-
- ሰላም፡ ለዝክረ፡ ስምከ፡ ዘኢይጸራዕ፡ እምአፍ፨
- ወዘኢይትአተት፡ ለዘልፍ፨
- በዐለ፡ ትርጓሜ፡ ሐዲስ፡ ዜና፡ ማርቆስ፡ መጽሐፍ፨
- ናሁ፡ ወጠንኩ፡ ዜንዎ፡ ዜና፡ ገልድከ፡ ትሩፍ፨
- አምጣነ፡ ሰከርኩ፡ በፍቅርከ፡ ጻእፍ፨
-
- ሰላም፡ እብል፡ በሰጊድ፡ ወበተጋንዮ፨
- ለኵልያቲከ፡ አንቅዕተ፡ ኀልዮ፨
- ዜና፡ ማርቆስ፡ ዘትቀንት፡ ኤፉደ፡ ጸሎት፡ ወአስተሥርዮ፨
- ርጢነ፡ ጽድቅከ፡ ለሰብእናየ፡ አጥእዮ፨
- እስመ፡ ኀጢአት፡ ፈድፉደ፡ አድወዮ፨
-
- ሰላም፡ እብል፡ በሰጊድ፡ ወእማኄ፨
- ለአማዑቲከ፡ ሥርግው፡ በወርቀ፡ ርኅራኄ፨
- ዜና፡ ማርቆስ፡ ዘትጼኑ፡ እምነ፡ አፈው፡ ወርሔ፨
- ሶበ፡ ረሰይከ፡ ህላዌከ፡ ጾላዕተ፡ ድኩም፡ ግሔ፨
- ዜና፡ ዝክርከ፡ ተሰምዐ፡ ኵለሄ፨
-
- በዝንቱ፡ ቃለ፡ ማሕሌት፡ ለዘይስእለከ፡ ብእሲ፨
- እማዕምቀ፡ ልቡ፡ ወነፍሱ፡ እንዘ፡ ጽድቀከ፡ ኀሣሢ፨
- ዜና፡ ማርቆስ፡ እግዚእ፡ መጽደቄ፡ ኃጥእ፡ ወአባሲ፨
- ዘገብረ፡ ውስተ፡ ዓለም፡ ጌጋያቲሁ፡ አናሕሲ፨
- ወፀአተ፡ ነፍሱ፡ እምሥጋ፡ በሰላም፡ ረሲ፨
-
- ስብሐት፡ ለእግዚአብሔር፡ ዘይሜግብ፡ ፍጥረታት፨
- ስብሐተ፡ መልክእከ፡ ኵሎ፡ ዘአፈጸመኒ፡ ሊተ፨
- ዜና፡ ማርቆስ፡ ተወከፍ፡ ብፅዐታትየ፡ እሎንተ፨
- ከመ፡ ተወክፈ፡ እግዚእነ፡ ጸራይቀ፡ ብእሲት፡ ክልኤተ፨
- እምእለ፡ አብኡ፡ ብዙኀ፡ ዐሥራተ፨