Subjects
Martyr
እስጢፋኖስ፡
ʾƎsṭifānos
Stephen
Stephen
Malkəʾ
-
- ናሁ፡ ወጠንኩ፡ በስመ፡ ቅድስት፡ ሥላሴ፨
- ወበስመ፡ ማርያም፡ ሥርጉት፡ በንጽሕ፡ ወበቅዳሴ፨
- ከመ፡ ኣቅርብ፡ ለከ፡ እስጢፋኖስ፡ አምኃ፡ ሰላም፡ ወውዳሴ፨
- መልአኒ፡ ኀይለ፡ ቃል፡ አርአያ፡ ተመልክአ፡ አውሴ፨
- መንፈሰ፡ ትንቢት፡ ወኀይል፡ እምነቢይ፡ ሙሴ፨
-
- ሰላም፡ ለዝክረ፡ ስምከ፡ ዘያስተፌሥሕ፡ ኅሊና፨
- ከመ፡ ወይነ፡ ከብካብ፡ ዘቃና፨
- እስጢፋኖስ፡ ልዑል፡ ለቤተ፡ ክርስቲያን፡ ቀርና፨
- ድምፅከ፡ ይባእ፡ በእዝንየ፡ ወይምልአኒ፡ ልቡና፨
- ከመ፡ እንብብ፡ ዕበየከ፡ ወእዜኑ፡ ዜና፨
-
- ሰላም፡ ለመቃብሪከ፡ በቅሩበ፡ ሳሌም፡ ቅድመ፨
- ወዓዲ፡ ተብህለ፡ በደብረ፡ ጽዮን፡ ዳግመ፨
- እስጢፋኖስ፡ ፀሓይ፡ እንተ፡ ትኳንን፡ ዓለመ፨
- ታብርሆ፡ ለአካልየ፡ እስመ፡ በኀጢአት፡ ጸልመ፨
- በሰማየ፡ ልብየ፡ ሥርቅ፡ እምጌሠም፡ ጌሠመ፨
-
- ኣአኵቶ፡ ለአምላኪየ፡ ወእሴብሕ፡ ስሞ፨
- በብዙኅ፡ አስተሐምሞ፨
- እስመ፡ አክሀለኒ፡ ዘንተ፡ እንተ፡ ወጠንኩ፡ ፈጽሞ፨
- ኢያስትት፡ ብየ፡ ባሕቱ፡ እስጢፋኖስ፡ አበሞ፨
- በይነ፡ ዘአሕጸጽኩ፡ ውዳሴከ፡ ወአሕጸርኩ፡ ዐቅሞ፨