መልክአ፡ ኤልያስ፡ Malkəʾa ʾElyās

Image of Elias

    • ሰላም፡ ለፅንሰትከ፡ ወለልደትከ፡ በእማኄ፨
    • ነቢየ፡ ሴሎ፡ ኤልያስ፡ ወመምህር፡ ቅድመ፡ ኤሎሄ፨
    • እምቅኔ፡ ዝንቱ፡ ዓለም፡ ወእምነ፡ መርገም፡ ዘገላቡሄ፨
    • አድኅነኒ፡ ወባልሐኒ፡ በልማድከ፡ ርኅራኄ፨
    • እስመ፡ እንበሌከ፡ ባዕደ፡ ኃጣእኩ፡ በላሔ፨
    • ሰላም፡ ሰላም፡ ለዝክረ፡ ስምከ፡ እብሎ፨
    • ዘጥንተ፡ ፊደሉ፡ አሌፍ፡ ወላሜድ፡ ዘምድረ፡ ሴሎ፨
    • ኤልያስ፡ እምዮድ፡ እስከ፡ ሳን፡ ዘበበ፡ መትሎ፨
    • ናሁ፡ ወጠንኩ፡ ውዳሴከ፡ ውስተ፡ ልብየ፡ ዘሀሎ፨
    • ከመ፡ በትፍሥሕት፡ እግበር፡ ማሕሌተ፡ ኵሎ፨
    • በዝንቱ፡ ማሕሌትነ፡ በከናፍሪሁ፡ የቢቦ፨
    • ለዘወሀበከ፡ ብእሲ፡ ምስለ፡ ቃለ፡ ድርሳን፡ ወተናብቦ፨
    • ኤልያስ፡ ስፋሕ፡ ትባርኮ፡ ህየንተ፡ ዐስቦ፨
    • አእዳዊከ፡ ምሉኣነ፡ ጸጋ፡ ሕይወተ፡ ቃል፡ ዘቦ፨
    • ወማዕተበ፡ ጸጋከ፡ መንፈሳዊ፡ ለይግበር፡ ማዕተቦ፨