Details
-
- እግዚአብሔር፡ ባዕል፡ ዘኢትነዲ፡ ለግሙራ፨
- ሕሩመ፡ ምንዳቤ፡ ወተጽናስ፡ ወግብረ፡ መከራ፨
- ትቤ፡ ነፍስየ፡ ዘአፈድፈደት፡ ቃለ፡ ገዐራ፨
- ያብዕለኒ፡ ተሣህሎትከ፡ መብዓሌ፡ ንጉሥ፡ ሐራ፨
- ከመ፡ አብዐልኮሙ፡ ቅድመ፡ ለሄኖክ፡ ወዕዝራ፨
-
- ሰላም፡ ለዝክረ፡ ስምከ፡ ስቡሕ፡ ወውዱስ፨
- ዘትሴባሕ፡ ወትረ፡ በአፈ፡ ኵሉ፡ ዘነፍስ፨
- እግዚአብሔር፡ አብ፡ እስመ፡ አልብከ፡ ተጽናስ፨
- እምቅድመ፡ ዘመን፡ ዘመናዊ፡ ወድኅረ፡ ዘመናት፡ ሐዲስ፨
- እንዘ፡ ለአዝማን፡ አንተ፡ ሕገ፡ ዛሕን፡ ወመርስ፨
-
- ኦአምላከ፡ ኵሉ፡ እንዘ፡ አምላከ፡ ጽድቅ፡ ባሕቲትከ፨
- ወኵሎ፡ ገበርከ፡ በፈቃድከ፨
- እግዚአብሔር፡ አብ፡ አምጣነ፡ ተጽናስ፡ አልብከ፨
- ምርሐኒ፡ ፍኖተ፡ ጽድቅ፡ ወአለብወኒ፡ ሕገከ፨
- ወኵሉ፡ ቅሩብ፡ ወሥሩዕ፡ በኀቤከ፨
-
- ስብሐት፡ ለከ፡ እግዚአብሔር፡ በሠርቀ፡ ዕለታት፡ ወለያልይ፨
- ስብሐት፡ ለከ፡ እግዚአብሔር፡ ተባርዮ፡ ክረምት፡ ወሐጋይ፨
- ስብሐት፡ ለከ፡ እግዚአብሔር፡ በመዋዕለ፡ መፀው፡ ወጸደይ፨
- ስብሐት፡ ለከ፡ እግዚአብሔር፡ በኍልቈ፡ ኵሉ፡ ዘኢይትረአይ፨
- ስብሐተ፡ ቅድምናከ፡ ዘልፈ፡ ይነግር፡ ሰማይ፡