መልክአ፡ ኪሮስ፡
Malkəʾa Kiros
Image of Cyrus
-
- በትእዛዘ፡ አምላክ፡ ክርስቶስ፡ እንተ፡ ይሰመይ፡ ፈጣሬ፨
- ከመ፡ እወድስከ፡ በቃለ፡ ዝማሬ፨
- ተወከፈኒ፡ ኪሮስ፡ ዘጸሎትከ፡ መሥመሬ፨
- ወንሥት፡ እምአባልየ፡ ጽልመተ፡ አበሳ፡ ሠዋሬ፨
- ወበላዕሌየ፡ ዝራእ፡ ዘመንፈስ፡ ፍሬ፨
-
- እዌጥን፡ አንሰ፡ ለሥነ፡ ገድልከ፡ ዕበያ፨
- ሰስብሐት፡ ወሃሌ፡ ሉያ፨
- ኪሮስ፡ ክቡር፡ ወልደ፡ ንጉሠ፡ ሮም፡ አብያ፨
- ብትክ፡ እምኅሊናየ፡ ዕብነ፡ ዝንጋዔ፡ ጕዕትያ፨
- ወእምከርሥየ፡ ለምንሱት፡ እከያ፨
-
- ሰላም፡ ለዝክረ፡ ስምከ፡ እምቅድመ፡ ዓለማት፡ ጽሑፍ፨
- ውስተ፡ ዐምደ፡ ወርቅ፡ ዘላዕሉ፡ በእደ፡ ኅሊናሁ፡ ለአሌፍ፨
- ወለሥዕርትከ፡ ጽፉቅ፡ ቅብዐ፡ መንፈስ፡ ቅዱስ፡ ሱቱፍ፨
- ዘነበርከ፡ ኪሮስ፡ ለለ፡ አሚሩ፡ እንዘ፡ ትሰግድ፡ በበ፡ አእላፍ፨
- እምአባለ፡ ሥጋከ፡ ከመ፡ ማይ፡ እስከ፡ ውሕዘ፡ ሐፍ፨
-
- ስብሐት፡ ይደሉ፡ ለማርያም፡ ዘወሀበተከ፡ ልቡና፨
- ለዛቲ፡ ዓለም፡ ከመ፡ ትመንና፨
- ለእግዚአብሔር፡ ስብሐት፡ ዘጸገወከ፡ ክብረ፡ ልዕልና፨
- ኪሮስ፡ እግዚእየ፡ እንዘ፡ ትናዝዝ፡ ኀዘና፨
- ቃውመ፡ ወፀወነ፡ ለነፍስየ፡ ኩና፨