Malkəʾa Malka Ṣedeq za-Midā (Image of Malka Ṣedeq of Midā)

ማስገቢያ፡
- ሰላም፡ ለክሙ፡ እንጦንስ፡ ወመቃርስ፨
- አቢብ፡ ሲኖዳ፡ ገብረ፡ መንፈስ፡ ቅዱስ፨
- ለባርኮትነ፡ ንዑ፡ ውስተ፡ ጽርሐ፡ ዛቲ፡ መቅደስ፨
- ተክለ፡ ሃይማኖት፡ ኤዎስጣቴዎስ፡ ዜና፡ ማርቆስ፨
- አረጋዊ፡ መልከ፡ ጼዴቅ፡ ሊባኖስ፡ ኪሮስ፨

- በስመ፡ አብ፡ ወወልድ፡ ወመንፈስ፡ ቅዱስ፡ ግሩም፨
- ወበስመ፡ ማርያም፡ ድንግል፡ እግዝእተ፡ ትማልም፡ ወዮም፨
- መልከ፡ ጼዴቅ፡ ክቡር፡ ትምክሕተ፡ ነዳያን፡ ዓለም፨
- ናሁ፡ ወጠንኩ፡ ወዳሴከ፡ በማሕሌተ፡ ሐዋዝ፡ ጥዑም፨
- ይርድአኒ፡ ለፍጻሜ፡ ኀይልከ፡ መድምም፨
- ሰላም፡ ለዝክረ፡ ስምከ፡ ትፍሥሕተ፡ ኅዙናን፡ አልባብ፨
- ከመ፡ ወይን፡ ሥሙር፡ ወከመ፡ ዘእጐልት፡ ሀሊብ፨
- መልከ፡ ጼዴቅ፡ ስቁል፡ ዲበ፡ መስቀለ፡ ወልድ፡ ዘዐርብ፨
- አግዕዘነ፡ ለደቂቅከ፡ እምቅንየተ፡ አርዌ፡ ጠቢብ፨
- ከመ፡ ኢይቅንየነ፡ ካዕበ፡ በኀይሉ፡ ዕጹብ፨
- ሰላም፡ ለመቃብሪከ፡ ላዕለ፡ ደብረ፡ ሣህል፡ ዘተኀርየ፡ ወዘተፈቅረ፨
- ወለፈልሰትከ፡ ሰላም፡ ምስለ፡ ነፍሰ፡ ጻድቃን፡ ዘኀብረ፨
- መልከ፡ ጼዴቅ፡ ኀያል፡ አምጣነ፡ ወደስኩከ፡ ምዕረ፨
- በወይነ፡ ፍቅርከ፡ አቅመ፡ ኅሊናየ፡ ሰክረ፨
- ዕሤተ፡ ዚአየ፡ አስተባዝኅ፡ ክብረ፨
- አምኃ፡ ሰላም፡ ወፍቅር፡ ለመልክእከ፡ ውዱስ፨
- አምጣነ፡ አቅረብኩ፡ ሎቱ፡ በእደ፡ ልሳን፡ ሐዲስ፨
- መልከ፡ ጼዴቅ፡ ንጹሕ፡ እምግብረ፡ አበሳ፡ ወርኵስ፨
- ቀድሰኒ፡ ለፍቁርከ፡ በሥልጣንከ፡ ቅዱስ፨
- እስመ፡ ሊቀ፡ ካህናት፡ አንተ፡ ወብከ፡ ሞገስ፨

ተረፈ፡ መልክእ፡
- ሰላም፡ ለከ፡ መልከ፡ ጼዴቅ፡ ጴጥሮስ፡ ሐዋርያ፡ ክርስቶስ፡ ምእመን፨
- ከመ፡ አሕዛበ፡ ምድር፡ ትርአይ፡ በበትረ፡ ኀጺን፨
- ተውህበከ፡ ሀብተ፡ ክብር፡ ሥልጣን፨
- ሰላም፡ ለከ፡ ምስለ፡ እንድርያስ፡ በኵር፨
- ሐወጽነ፡ ለለ፡ ሠርቀ፡ ኵሉ፡ አሚር፨
- ከመ፡ ታብልዐነ፡ ኅብስተ፡ ረቂቅ፡ ምሥጢር፨
- መልከ፡ ጼዴቅ፡ ምሉአ፡ ፍቅር፨
- ሰላም፡ ለከ፡ መልከ፡ ጼዴቅ፡ ኄር፡ አብአነ፡ በአእፋረ፡ ትፍሥሕት፡ ዕጹብ፨
- አመ፡ ምጽአቱ፡ ለበኵረ፡ አብ፨
- ውስተ፡ ቤተ፡ መርዐ፡ ወቤተ፡ ከብካብ፨
- መልከ፡ ጼዴቅ፡ ምሉአ፡ ጥበብ፨

መልክአ፡ መልከ፡ ጼዴቅ፡ ዘሚዳ፡ Malkəʾa Malka Ṣedeq za-Midā

Image of Malka Ṣedeq of Midā

Subject