መልክአ፡ መልከ፡ ጼዴቅ፡ ዘሚዳ፡ Malkəʾa Malka Ṣedeq za-Midā

Image of Malka Ṣedeq of Midā

Māsgabiyā

    • ሰላም፡ ለክሙ፡ እንጦንስ፡ ወመቃርስ፨
    • አቢብ፡ ሲኖዳ፡ ገብረ፡ መንፈስ፡ ቅዱስ፨
    • ለባርኮትነ፡ ንዑ፡ ውስተ፡ ጽርሐ፡ ዛቲ፡ መቅደስ፨
    • ተክለ፡ ሃይማኖት፡ ኤዎስጣቴዎስ፡ ዜና፡ ማርቆስ፨
    • አረጋዊ፡ መልከ፡ ጼዴቅ፡ ሊባኖስ፡ ኪሮስ፨

Malkəʾ

    • በስመ፡ አብ፡ ወወልድ፡ ወመንፈስ፡ ቅዱስ፡ ግሩም፨
    • ወበስመ፡ ማርያም፡ ድንግል፡ እግዝእተ፡ ትማልም፡ ወዮም፨
    • መልከ፡ ጼዴቅ፡ ክቡር፡ ትምክሕተ፡ ነዳያን፡ ዓለም፨
    • ናሁ፡ ወጠንኩ፡ ወዳሴከ፡ በማሕሌተ፡ ሐዋዝ፡ ጥዑም፨
    • ይርድአኒ፡ ለፍጻሜ፡ ኀይልከ፡ መድምም፨
    • ሰላም፡ ለዝክረ፡ ስምከ፡ ትፍሥሕተ፡ ኅዙናን፡ አልባብ፨
    • ከመ፡ ወይን፡ ሥሙር፡ ወከመ፡ ዘእጐልት፡ ሀሊብ፨
    • መልከ፡ ጼዴቅ፡ ስቁል፡ ዲበ፡ መስቀለ፡ ወልድ፡ ዘዐርብ፨
    • አግዕዘነ፡ ለደቂቅከ፡ እምቅንየተ፡ አርዌ፡ ጠቢብ፨
    • ከመ፡ ኢይቅንየነ፡ ካዕበ፡ በኀይሉ፡ ዕጹብ፨
    • ሰላም፡ ለመቃብሪከ፡ ላዕለ፡ ደብረ፡ ሣህል፡ ዘተኀርየ፡ ወዘተፈቅረ፨
    • ወለፈልሰትከ፡ ሰላም፡ ምስለ፡ ነፍሰ፡ ጻድቃን፡ ዘኀብረ፨
    • መልከ፡ ጼዴቅ፡ ኀያል፡ አምጣነ፡ ወደስኩከ፡ ምዕረ፨
    • በወይነ፡ ፍቅርከ፡ አቅመ፡ ኅሊናየ፡ ሰክረ፨
    • ዕሤተ፡ ዚአየ፡ አስተባዝኅ፡ ክብረ፨
    • አምኃ፡ ሰላም፡ ወፍቅር፡ ለመልክእከ፡ ውዱስ፨
    • አምጣነ፡ አቅረብኩ፡ ሎቱ፡ በእደ፡ ልሳን፡ ሐዲስ፨
    • መልከ፡ ጼዴቅ፡ ንጹሕ፡ እምግብረ፡ አበሳ፡ ወርኵስ፨
    • ቀድሰኒ፡ ለፍቁርከ፡ በሥልጣንከ፡ ቅዱስ፨
    • እስመ፡ ሊቀ፡ ካህናት፡ አንተ፡ ወብከ፡ ሞገስ፨

Tarafa Malkəʾ

    • ሰላም፡ ለከ፡ መልከ፡ ጼዴቅ፡ ጴጥሮስ፡ ሐዋርያ፡ ክርስቶስ፡ ምእመን፨
    • ከመ፡ አሕዛበ፡ ምድር፡ ትርአይ፡ በበትረ፡ ኀጺን፨
    • ተውህበከ፡ ሀብተ፡ ክብር፡ ሥልጣን፨
    • ሰላም፡ ለከ፡ ምስለ፡ እንድርያስ፡ በኵር፨
    • ሐወጽነ፡ ለለ፡ ሠርቀ፡ ኵሉ፡ አሚር፨
    • ከመ፡ ታብልዐነ፡ ኅብስተ፡ ረቂቅ፡ ምሥጢር፨
    • መልከ፡ ጼዴቅ፡ ምሉአ፡ ፍቅር፨
    • ሰላም፡ ለከ፡ መልከ፡ ጼዴቅ፡ ኄር፡ አብአነ፡ በአእፋረ፡ ትፍሥሕት፡ ዕጹብ፨
    • አመ፡ ምጽአቱ፡ ለበኵረ፡ አብ፨
    • ውስተ፡ ቤተ፡ መርዐ፡ ወቤተ፡ ከብካብ፨
    • መልከ፡ ጼዴቅ፡ ምሉአ፡ ጥበብ፨