መልክአ፡ ቴዎድሮስ፡ ዘዓዲ፡ ቂታ፡
Malkəʾa Tewodros za-ʿĀddi Qitā
Image of Tewodros of ʿĀddi Qitā
-
- ሰላም፡ ለዝክረ፡ ስምከ፡ ዘሆህያቲሁ፡ ኀምስ፨
- ወምዑዝ፡ ጼናሁ፡ ከመ፡ ናርዶስ፨
- ዝክረ፡ ስምከ፡ ቴዎድሮስ፡ በአፈ፡ ኵሉ፡ ውዱስ፨
- ውዱቃነ፡ ከመ፡ ታንሥእ፡ ወግዱፋነ፡ ትኅሥሥ፨
- ተፈነው፡ አንተ፡ እምሰማይ፡ ምክማስ፨
-
- ሰላም፡ ለፍልሰተ፡ ሥጋከ፡ ዘእመቃብሩ፡ ምስካቡ፨
- ወእምነ፡ ኅቡእ፡ መዝገቡ፨
- ለፍልሰትከ፡ ቴዎድሮስ፡ አምኃ፡ ሰላም፡ አቅረቡ፨
- ተፈሥሑ፡ በዲበ፡ ምድር፡ ሰራዊተ፡ ሰብእ፡ ወሕዝቡ፨
- ወመላእክት፡ በሰማይ፡ የበቡ፨
-
- ሰላም፡ ለቴዎድሮስ፡ እንተ፡ አብዝኀ፡ ተጋድሎ፨
- እንዘ፡ በልቡና፡ ያጸንዕ፡ ለቀልደ፡ ማርያም፡ ቃሎ፨
- ለዘይትአመንዎ፡ ሕዝብ፡ ከመ፡ ያርእዮሙ፡ ኀይሎ፨
- መሊሖ፡ ሠርወ፡ ዖም፡ በመልዕልተ፡ ኰኵሕ፡ ተከሎ፨
- ወውእቱ፡ ዖም፡ እስከ፡ ዮም፡ ሀሎ፨
-
- ሰላም፡ ለበዓልከ፡ በበዓለ፡ ብዙኅ፡ ትፍሥሕት፨
- እንተ፡ ተሳተፈት፡ ደርገ፡ በዓለ፡ ጊዮርጊስ፡ ሰማዕት፨
- ከዳኒነ፡ እግዚእ፡ ዮሐንስ፡ ርእሰ፡ ነቢያት፡ ቀደምት፨
- ባርክ፡ ለነ፡ ዐውደ፡ ዓመት፡ ለደቂቀ፡ ዛቲ፡ ምኔት፨
- ከመ፡ ታድኅነነ፡ እምኵሉ፡ መንሱት፨