መልክአ፡ አርባዕቱ፡ እንስሳ፡
Malkəʾa ʾArbāʿəttu ʾƎnsəsā
Image of the Four Living Creatures
-
- ሰላም፡ ለዝክረ፡ ስምክሙ፡ ዘያስተፌሥሕ፡ ኅሊናሁ፨
- ለዘይጼውዕ፡ ስመክሙ፡ በጽድቅ፡ ወይትዌከል፡ ኪያሁ፨
- እንስሳውያን፡ ኪሩቤል፡ ለእግዚአብሔር፡ ሐራሁ፨
- አመ፡ እጼውዕ፡ ስመክሙ፡ ለረዲኦትየ፡ ትግሁ፨
- እስመ፡ ከመ፡ ኆፃ፡ ብዙኅ፡ አፅራርየ፡ ብዝኁ፨
-
- ሰላም፡ ለሥዕርተ፡ ርእስክሙ፡ ወለርእስክሙ፡ ግልቡብ፨
- በክንፈ፡ ነበልባል፡ ልሁብ፨
- እንስሳውያ፡ ኪሩቤል፡ መናብርቲሁ፡ ለአብ፨
- አመ፡ እጼውዕ፡ ስመክሙ፡ ለለ፡ ዕለታት፡ በበ፡ ምግብ፨
- አድኀን፡ በኀይልክሙ፡ እምአርዌ፡ ስሁብ፨
-
- ሰላም፡ ለቆምክሙ፡ ወለመልክእክሙ፡ ኵሎን፨
- ዘየዐውዶ፡ ብርሃን፨
- እንስሳውያን፡ ኪሩቤል፡ አዕማደ፡ ሐዲስ፡ ኪዳን፨
- ብጽሑኒ፡ ለተራድኦ፡ አመ፡ የኀልፍ፡ ዘመን፨
- ከመ፡ በላዕሌየ፡ ኢይጽናዕ፡ ሐዘን፨
-
- ናሁ፡ አቅረብኩ፡ ለዕበይክሙ፡ አምኃ፡ ስብሐት፡ ወዝማሬ፨
- አእላፍ፡ ካህናት፡ ኀበ፡ ቀደሱ፡ በኑባሬ፨
- አውያነ፡ ገዳም፡ ኪሩቤል፡ ምሉዐነ፡ ሰላም፡ ወፍሬ፨
- ፀርየ፡ ይግበር፡ በኀይልክሙ፡ ውስተ፡ ከርሠ፡ መሬት፡ ሥዋሬ፨
- አከም፡ አመ፡ ሙሴ፡ ነቢይ፡ አቤሮን፡ ወቆሬ፨