መልክአ፡ ወንጌል፡
Malkǝʾa Wangel
Image of the Gospel
-
- ኀበ፡ ኀይለ፡ ቃል፡ ይምርሐኒ፡ ልሳንከ፡ ኮከበ፡ አእምሮ፡ ጽዱል፨
- ዘፍኖተ፡ ልደትከ፡ መርሖሙ፡ ለሰብአ፡ ሰገል፨
- ከመ፡ እንብብ፡ ሕቀ፡ እምዘዘከረ፡ ወንጌል፨
- ወእንግር፡ መንክራቲከ፡ ዘነገሮሙ፡ ኀይል፨
- አርትዕ፡ ሊተ፡ ፍኖተከ፡ ቃል፨
-
- ለየማናዊት፡ እድ፡ እንተ፡ ነበረት፡ ይብስተ፨
- በዕለተ፡ ሰንበት፡ ካዕበ፡ ከመ፡ ወሀብከ፡ ሕይወተ፨
- አመ፡ የማና፡ ጠወየ፡ ጥውየተ፨
- ነፍስየ፡ አሕዩ፡ እግዚኦ፡ ወኢታመክኒ፡ ሰንበተ፨
- እስመ፡ ኢመፍትው፡ በሰንበት፡ ያፅርዑ፡ ኂሩተ፨
-
- ኦዘዐርገ፡ መልዕልተ፡ ፈለካት፡ ሳብዕ፨
- አኮ፡ እስከ፡ ክፍለ፡ ገነት፡ ድርዐ፡ ዘአዳም፡ ፍግዕ፨
- ክርስቶስ፡ በለኒ፡ አምሳለ፡ ዘታፈቅር፡ ረድእ፨
- ፈቀድኩ፡ ተሀሉ፡ በሥግ፡ እስከ፡ ዳግማይ፡ መጺእ፨
- ወእመ፡ አኮ፡ እስከ፡ ጊዜሁ፡ ለሠናይ፡ ርስዕ፨
-
- መጠነ፡ ነፍኒፍ፡ ዘልፈ፡ እምዐቢይ፡ ዝናም፨
- ወእምነ፡ ጢስ፡ ዘይወፅእ፡ እምውሳጤ፡ እቶን፡ ኅቱም፨
- መንግሥተከ፡ ክርስቶስ፡ ዜኖኩ፡ ዮም፨
- ለለ፡ አሐዱ፡ አሐዱ፡ ሶበ፡ ተጽሕፈ፡ እምኢያግመሮ፡ ዓለም፨
- እስመ፡ ኍላቌሁ፡ የዐዱ፡ እመስፈርት፡ ወዐቅም፨