መልክአ፡ መለኮት፡
Malkǝʾa Malakot
Image of Divinity
-
- ሰላም፡ ለመለኮትከ፡ ዘአስተዳለወ፡ ስመ፨
- በእሳት፡ ወማይ፡ ድኅረ፡ ፈጠረ፡ ዓለመ፨
- እግዚአብሔር፡ አብ፡ ዘኢተአምር፡ ድካመ፨
- መድኃኔ፡ ዓለም፡ ወልድ፡ በቅድመ፡ ጲላጦስ፡ ቆመ፨
- ወበስቅለቱ፡ ቅድስት፡ ኀጢአተ፡ ዓለም፡ ሐተመ፨
- ኀጢአትየ፡ ኅትም፡ ወአዕጽፈኒ፡ ሰላመ፨
- ወመንፈስ፡ ቅዱስ፡ እሳት፡ አፍዕመኒ፡ ፍሕመ፨
-
- ሰላም፡ ለመለኮትከ፡ ዘሥዕርተ፡ ርእስ፡ አልቦቱ፨
- እስመ፡ ገባሬ፡ ርእስ፡ ዘሰብእ፡ ወዓለመ፡ ኵሉ፡ ውእቱ፨
- እግዚአብሔር፡ አሐዱ፡ ወበአካላት፡ ሠለስቱ፨
- ለእስራኤል፡ ዘአግባእኮ፡ ኀበ፡ ምድረ፡ ከነዓን፡ ርስቱ፨
- መድኃኔ፡ ዓለም፡ ወልድ፡ ማሕየዌ፡ ዓዸም፡ በሞቱ፨
- ወመንፈስ፡ ቅዱስ፡ ሐዋጼ፡ ትጉህ፡ ለለ፡ ዕለቱ፨
- ውሳጤ፡ ልብየ፡ ይብራህ፡ ወፍጡነ፡ ይኅቱ፨
-
- ሰላም፡ ለመለኮትከ፡ እግዚአብሔር፡ ሕያው፨
- አንተ፡ ትሁብ፡ ወአንተ፡ ትፄውው፨
- መኑ፡ ከማከ፡ በውስተ፡ ኵሉ፡ ሕልው፨
- መድኃኔ፡ ዓለም፡ ወልድ፡ ለቤዛ፡ ዓዸም፡ ድልው፨
- በስህሐት፡ አሀሉ፡ ምስለ፡ ኅሩያን፡ አበው፨
- ፈኑ፡ ሊተ፡ መንፈስከ፡ ይጸልለኒ፡ በበድው፨
- እምተዐቅፎ፡ በብርሃን፡ ጽዕድው፨