መልክአ፡ ሰማዕታት፡ ዘደብረ፡ መዊዕ፡
Malkəʾa Samāʿtāt za-Dabra Mawiʿ
Image of the Martyrs of Dabra Mawiʿ
-
- ሰላም፡ ለዝክረ፡ ስምክሙ፡ ዘመጽሐፈ፡ ሕይወት፡ ምስጢሩ፨
- በሰሌዳ፡ ብርሃን፡ ተጽሕፈ፡ ለሥዕለ፡ ኪሩብ፡ በአንጻሩ፨
- ሰማዕታተ፡ ክርስቶስ፡ መሲሕ፡ ለአካለ፡ ክርስቶስ፡ ማኅበሩ፨
- ሰራዊት፡ ምስሌክሙ፡ ውስተ፡ ደብረ፡ መዊዕ፡ ሠረሩ፨
- ወመንፍሥተ፡ ተድላ፡ ብዙኀ፡ በሰማይ፡ ገብሩ፨
-
- ሰላም፡ ለመቃብሪክሙ፡ መላእክተ፡ ሰማይ፡ ኵሎሙ፨
- እንዘ፡ የዐቅቡ፡ ወትረ፡ ዘሕገ፡ ሰማዕታት፡ ፈጸሙ፨
- ሰማዕታተ፡ ክርስቶስ፡ መሲሕ፡ በፍቅረ፡ ማርያም፡ እሙ፨
- ተክዕወ፡ ደምክሙ፡ በከመ፡ ተክዕወ፡ ደሙ፨
- ለእግዚአብሔር፡ ሕያው፡ ዘዋሕድ፡ ስሙ፨
-
- ለነባቤ፡ ዝንቱ፡ ድርሳን፡ ከመ፡ ኢይትርፍ፡ ጻማሁ፨
- ወዐስበ፡ ኑኀ፡ ዕድሜ፡ ይትወከፍ፡ መዝገበ፡ ኀጢአት፡ ሥጋሁ፨
- ሰማዕታተ፡ ክርስቶስ፡ መሲሕ፡ እምደምክሙ፡ ለሊሁ፨
- ወይድኀን፡ ጊዜ፡ ሐተታ፡ በምሕረተ፡ ክርስቶስ፡ ጸጋሁ፨
- እምገሀነማዊ፡ እሳት፡ ዘመፍርህ፡ ግርማሁ፨