መልክአ፡ ማርያም፡ እንተ፡ ዕፍረት፡
Malkǝʾa Māryām ʾƎnta ʿƎfrat
Image of Mary of the Perfume
-
- ሰላም፡ ለዝክረ፡ ስምኪ፡ ዘእምጸቃውዕ፡ ይጥዕም፨
- ለደቂቀ፡ አውያን፡ ወዘይት፡ እንበለ፡ መሥፈርት፡ ወዐቅም፨
- እንተ፡ ዕፍረት፡ ኅሪት፡ ዘኀረየኪ፡ ግሩም፨
- አድኅንኒ፡ እግዝእትየ፡ እምንሳዌ፡ ዝንቱ፡ ዓለም፨
- ዘበላዕሌሁ፡ ተሠልጡ፡ ዐመፃ፡ ወቂም፨
-
- ሰላም፡ ሰላም፡ እብል፡ ለኵሎም፡ መልክኣትኪ፨
- ለለ፡ አሐዱ፡ አሐዱ፡ ውዱዳተ፡ ሥን፡ አባልኪ፨
- ጊዜ፡ ምግበ፡ ወንጌል፡ ሳምን፡ ምስካየ፡ ግፉዓን፡ ዘኮንኪ፨
- ብጽሒ፡ በኢጐንድዮ፡ ሶበ፡ እጼውዕ፡ ስመኪ፨
- ማርያም፡ እንተ፡ ዕፍረት፡ ኢይጽናዕ፡ ልብኪ፨
-
- ሰላም፡ ለእንተ፡ ዕፍረት፡ ዘዕፍረት፡ ሙዳይ፨
- እንተ፡ ዕፍረት፡ ማርያም፡ ዘኀጡአ፡ ትአስፋ፡ ምስካይ፨
- እንተ፡ ዕፍረት፡ ማርያም፡ እምልቡናኪ፡ ሰማይ፨
- ይረድ፡ ዲበ፡ ገበርኪ፡ ኪዳነ፡ ቃልኪ፡ ፀሓይ፨
- እስመ፡ ደመናት፡ ተሀጒሉ፡ ዐይነ፡ ልብ፡ ቅድመ፡ ኢይርአይ፨
-
- ዘጸውዐ፡ ስመ፡ ዚአኪ፡ ለለ፡ ጊዜ፡ ጸባሕ፡ ወነግህ፨
- ኀጡአ፡ ተስፋ፡ ገብርኪ፡ እምጾታ፡ ሐዘን፡ ብዙኀ፨
- እንተ፡ ዕፍረት፡ ወይን፡ ጸዋሪተ፡ አስካል፡ ንጹሕ፨
- ያጽምዕ፡ እዝነ፡ ልብኪ፡ ወኪዳንኪ፡ ርኅሩኅ፨
- ዘከመ፡ አጽምዐ፡ ስእለቶ፡ አመ፡ አይኅ፡ ለኖኅ፨