-
- ጐሥዐ፡ ልብየ፡ ቃለ፡ ሠናየ፨
- ወአነ፡ ኣየድዕ፡ ዕበያቲከ፡ አቡየ፨
- ሚናስ፡ ቀስም፡ ልስሐተ፡ ልሳንየ፨
- እስመ፡ ሠረጸ፡ ወይነ፡ ፍቅርከ፡ በገራህተ፡ ሀካይ፡ ልብየ፨
- ወጽጌ፡ ጽድቅከ፡ አስተርአየ፡ በኃጥእ፡ አፉየ፨
-
- ሰላም፡ ለዝክረ፡ ስምከ፡ እምአስካለ፡ ወይን፡ ጥዑም፨
- ወለሥዕርትከ፡ ሰላም፡ በአክሊለ፡ ቅቡእ፡ ሕቱም፨
- ሚናስ፡ ጻድቅ፡ ለባሴ፡ ገዳም፨
- ዘኢትፈቅድ፡ ግዕዛነ፡ በመዋዕለ፡ ቅኔከ፡ ጾም፨
- ወኢመሐኮ፡ ለሥጋከ፡ ድኩም፨
-
- ሰላም፡ ለግንዘተ፡ ሥጋከ፡ በእደ፡ ሐዋርያት፡ አርጋብ፨
- ወለመቃብሪከ፡ አብረንታንት፡ ውስተ፡ ጾላዕት፡ ጸባብ፨
- ባርኮሙ፡ ሚናስ፡ ምሉአ፡ ንባብ፨
- ለእለ፡ ገብሩ፡ ተዝካረከ፡ በዓለመ፡ ዛቲ፡ ተድባብ፨
- በረከተ፡ አብ፡ ይደሉ፡ ለሕዝብ፨
-
- ይትፍእሣፅ፡ ኤሳምየ፡ በክድቀ፡ ዞአለ፡ አቢየ፨
- ወአይዳዕኩ፡ ዕበያቲከ፡ መጠነ፡ ይክል፡ አፉየ፨
- ሚናስ፡ ነዓ፡ ምስለ፡ ኵሎሙ፡ አበውየ፨
- ምስለ፡ ዘጰራቅሊጦስ፡ ወሰንዱነ፡ ቃል፡ ወምስለ፡ ወልደ፡ ልዑል፡ እግዚእየ፨
- አማሕፀንኩከ፡ በክርስቶስ፡ ኢይትርፍ፡ ዐስብየ፨
- ተረፈ፡ መልክእ፡
-
- ሰላም፡ ለሚናስ፡ ድኅረ፡ ሊቀ፡ ምኔት፡ ተሠይመ፨
- ኢበልዐ፡ እክለ፡ ወሥጋ፡ እንስሳ፡ ኢጥዕመ፨
- ከመ፡ አለበዎ፡ መንፈስ፡ አመ፡ ፈለሰ፡ ገዳመ፨
- እለ፡ ይረክቡ፡ በዓለም፡ ኅዳጠ፡ ሕማመ፨
- በኀቤከ፡ አባ፡ ይንሥኡ፡ ሰላመ፨
-
- ሰላም፡ እብል፡ ለዘተሠይመ፡ በጽድቅ፨
- ውስተ፡ ቤተ፡ ሚናስ፡ ኅሩይ፡ ማእከለ፡ አእሩግ፡ ወደቂቅ፨
- ረድኡ፡ ለሚናስ፡ ተላዌ፡ ሚናስ፡ ሊቅ፨
- እንዘ፡ በዕድሜሁ፡ ሕፃን፡ ወበምግባሩ፡ ልሒቅ፨
- እምአረጋዊ፡ ዘሠረጸ፡ ዐጽቅ፨