መልክአ፡ ፊልጶስ፡ ዘደብረ፡ ሊባኖስ፡
Malkəʾa Filəṗṗos za-Dabra Libānos
Image of Filəṗṗos of Dabra Libānos
-
- ሰላም፡ ለፊልጶስ፡ ለተክለ፡ ሃይማኖት፡ እጓሉ፨
- እምአፈ፡ ምውት፡ ዘደምፀ፡ ትዕርምተ፡ ዕበዩ፡ ወብዕሉ፨
- ዝንቱ፡ ጻድቅ፡ ውዱስ፡ በአፈ፡ ኵሉ፨
- መስተጋድላነ፡ አንቅሐ፡ በገድሉ፨
- ወሕሙማነ፡ ፈውሰ፡ በቍስሉ፨
-
- ሰላም፡ ለዝክረ፡ ስምከ፡ መኳስየ፡ ፊልጶስ፡ ሐዋርያ፨
- ሰባኬ፡ ውነጌል፡ ዘኢትዮጵያ፨
- ፊልጶስ፡ ኪያከ፡ ደበረ፡ ሊባኖስ፡ ርእያ፨
- ታፈቅረከ፡ ጥቀ፡ ከመ፡ መርዓዊሃ፡ ኬንያ፨
- እስመ፡ አንተ፡ ማኅቶታ፡ ወአንተ፡ ፀሓያ፨
-
- ሰላም፡ ለፍልሰተ፡ ሥጋከ፡ እምነ፡ ሐቃሊት፡ መቅደስ፨
- ሶበ፡ ፈቀድከ፡ ተመይጦ፡ ደብረ፡ ሊባኖስ፨
- ተጽዕንከ፡ ፊልጶስ፡ በሰረገላ፡ መንፈስ፨
- ወተጋብኡ፡ ለቀበላከ፡ እለ፡ ውስተ፡ ባህር፡ ወየብስ፨
- እንዘ፡ የኀልዩ፡ በዜማ፡ ሐዲስ፨
-
- እስመ፡ ብዙኃን፡ ጽውዓን፡ እለ፡ ጸቢተ፡ አመዱ፨
- ለባሕረ፡ ገድልከ፡ ፊልጶስ፡ ኢያብሖሙ፡ ሞገዱ፨
- ሊተሰ፡ በቃሉ፡ ጸውዐኒ፡ ፈቃዱ፨
- አብ፡ ለተሰብኦ፡ ከመ፡ ፈነዎ፡ ለወልዱ፨
- እጽሐፍ፡ ጸቢትየ፡ ወፍጡነ፡ አአዱ፨