መልክአ፡ ጊጋር፡
Malkəʾa Gigār
Image of Gigār
-
- ኣአምን፡ በአብ፡ እምቅድመ፡ ዓለም፡ ዘነበረ፨
- ወኣአምን፡ በወልድ፡ ምስለ፡ መንፈስ፡ ቅዱስ፡ ኅቡረ፨
- በኍልቈ፡ ስምከ፡ ጊጋር፡ አለብወኒ፡ ምስጢረ፨
- እሕንጽ፡ ሃይማኖትየ፡ ሰማያዊተ፡ ማኅደረ፨
- እንዘ፡ መሠረታ፡ እሬሲ፡ ረድኤተከ፡ ምድረ፨
-
- ሰላም፡ ለዝክረ፡ ስምከ፡ ስቴ፡ መድኀኒት፡ ፍቱን፨
- እደ፡ ልሳነ፡ ሰብእ፡ ጠቢብ፡ ዘይወድዮ፡ በእዝን፨
- ምስፍነ፡ ሶርያ፡ ጊጋር፡ ጼዋ፡ ያርብሐዊ፡ ዘመን፨
- ነሥአከ፡ ውስተ፡ መንግሥቱ፡ እንዘ፡ ይጼውዕ፡ ሕፃን፨
- ሰምየ፡ እሙ፡ በሐዲስ፡ ልሳን፨
-
- ሰላም፡ ለመቃብሪከ፡ ፈውሰ፡ ሕሙማን፡ ዘኮነ፨
- አመ፡ በጥቃሁ፡ እትቀበር፡ እስከ፡ ቀመነይክዎ፡ አነ፨
- ጊጋር፡ ጽድቅከ፡ ዘኢዮስያስ፡ ዘመነ፨
- ለነቢይ፡ መቃብሪሁ፡ ስእመ፡ ዐፅመ፡ ነቢይ፡ አድኀነ፨
- ወከመ፡ ኢዮስያስ፡ ፍትሐ፡ በእሳት፡ ፈተነ፨
-
- ኦዘትቤ፡ ድኅረ፡ ተዐገሥከ፡ ሰይፈ፨
- መንፈቀ፡ ሥጋየ፡ ሞተ፡ ወመንፈቀ፡ ሥጋየ፡ ተርፈ፨
- ቃለ፡ ብይካ፡ ጊጋር፡ እንዘ፡ ይከውን፡ ግዙፈ፨
- ከመ፡ ያስተርኢ፡ ለለ፡ ዕለቱ፡ ወከመ፡ ይትነበብ፡ ዘልፈ፨
- እንበለ፡ ቀለም፡ ወብዕር፡ በሰማይ፡ ተጽሕፈ፨