መልክአ፡ ገብረ፡ ማርያም፡ ሐርቤ፡
Malkǝʾa Gabra Māryām Ḥarbe
Image of Gabra Māryām Ḥarbe
-
- በስመ፡ እግዚአብሔር፡ ስቡሕ፡ ዘየዐውዶ፡ ስባሔ፨
- ወበስመ፡ ማርያም፡ ድንግል፡ ምዕዝተ፡ ምግባር፡ እምነርሄ፨
- ስሐተ፡ መልክእከ፡ እንብብ፡ ዘይደምፅ፡ ውስተ፡ ኵለሄ፨
- ያብርሆ፡ ለልብየ፡ ሀብተ፡ ጸጋከ፡ መብርሄ፨
- ገብረ፡ ማርያም፡ ፀሓይ፡ ወጽዱል፡ ሱራሔ፨
-
- ሰላም፡ ለዝክረ፡ ስምከ፡ ዘሆህያቲሁ፡ ሳብዕ፨
- አቅመ፡ ሰሚዖቱ፡ ለሰብእ፨
- ገብረ፡ ማርያም፡ በኵሉ፡ ተመሳሌ፡ ዳዊት፡ ብፁዕ፨
- በዐውድከ፡ ኢያቡሳዊ፡ ምዕራገ፡ ቅዱስ፡ ምሥዋዕ፨
- ለኀዲጐ፡ መቅሠፍት፡ ይትነሣእ፡ እዴከ፡ ባቍዕ፨
-
- ሰላም፡ ለመቃብሪከ፡ ውሳጤ፡ ቅድስት፡ ደብተራ፨
- ቤተ፡ ሚካኤል፡ ይእቲ፡ እደ፡ ዚአከ፡ ዘገብራ፨
- ገብረ፡ ማርያም፡ ተወከፍ፡ ለኅሊናየ፡ ገዐራ፨
- ህየንተ፡ ዘአቅረብኩ፡ ለመልክእከ፡ ምስለ፡ ቃለ፡ ስብሐት፡ ዕንዚራ፨
- ዶበ፡ ርእሰ፡ ልብየ፡ አንብር፡ ዘመዊእ፡ ጌራ፨
-
- ስብሐት፡ ወክብር፡ ለማርያም፡ ይደሉ፨
- ዘከፈለተኒ፡ ቃለ፡ ከመ፡ እወድሰከ፡ ዘበበ፡ ክፍሉ፨
- ገብረ፡ ማርያም፡ ኀያል፡ ለገብረ፡ መስቀል፡ ሠርጐ፡ አክሊሉ፨
- ናሁ፡ ፈጸምኩ፡ ለመልክእከ፡ በጽሒፈ፡ ሐዳስ፡ ፊደሉ፨
- እሴተ፡ ሰላምየ፡ ፈኑ፡ እምሰማይ፡ ዘላዕሉ፨