መልክአ፡ ዘዮሐንስ፡ ዘክብራን፡
Malkəʾa Zayoḥannəs za-Kəbrān
Image of Zayoḥannəs of Kəbrān
-
- ሰላም፡ ለፅንሰትከ፡ በደቃደ፡ አምላክ፡ ኬንያ፨
- ወለልደትከ፡ ሰላም፡ በዕለተ፡ ሐዳስ፡ ምርያ፨
- ዘዮሐንስ፡ ወልዱ፡ ለተክለ፡ ሃይማኖት፡ ሐዋርያ፨
- ለአቡከ፡ ዘካርያስ፡ ወለእምከ፡ ሶፍያ፨
- ደብረ፡ ሊባኖስ፡ ትዜምር፡ ወትየብብ፡ ነያ፨
-
- ሰላም፡ ለዝክረ፡ ስምከ፡ ከመ፡ ስመ፡ ዮሐንስ፡ ከማ፨
- ዘምስለ፡ ብስራት፡ ተሰብከ፡ በአፈ፡ ገብርኤል፡ መልአከ፡ ራማ፨
- ወልደ፡ ሶፍያ፡ ዘዮሐንስ፡ ወወልደ፡ ዘካርያስ፡ መስግነ፡ ግርማ፨
- ለመቅደስከ፡ ባሕታዊት፡ ዘቤተ፡ ገብርኤል፡ ስማ፨
- ናሁ፡ ፈድፈደ፡ ወጸንዐ፡ ሕማማ፨
-
- ሰላም፡ ለዝክረ፡ ስምከ፡ ውስተ፡ ብርሃናዊ፡ ሰሌዳሆሙ፨
- አጻብዐ፡ ሥሉስ፡ ቅዱስ፡ ዘጸሐፍዎ፡ ቀዲሙ፨
- ዘዮሐንስ፡ ሕቱም፡ ለተክለ፡ ሃይማኖት፡ በማሕተሙ፨
- ተፈሣሕነ፡ ሶበ፡ አእመርነ፡ ለአበዊከ፡ ስሞሙ፨
- ከመ፡ ለመልከ፡ ጼዴቅ፡ እሙራን፡ አቡሁ፡ ወእሙ፨
-
- ሰላም፡ ለመቃብሪከ፡ ለተአምኖታ፡ ሶበ፡ አድነኑ፨
- ሕሙማነ፡ ኵሎ፡ ዘትፌውስ፡ በበ፡ ዘመኑ፨
- ዘዮሐንስ፡ ጽዱል፡ ለገብርኤል፡ ዕንቈ፡ መካኑ፨
- በዲናር፡ ወመካልይ፡ ዘይሣየጠከ፡ መኑ፨
- እመካልየ፡ ወርቅ፡ ዐፅምከ፡ ይከብር፡ አኮኑ፨
-
- እመንፈስ፡ ቅዱስ፡ አበ፡ ሰላም፡ ወእማሕፀና፡ ለዮርዳኖስ፨
- እለ፡ ተረከብክሙ፡ ውለድ፡ ሱቱፋነ፡ ልደት፡ ሐዲስ፨
- በአፈ፡ ቢጽክሙ፡ ትሑት፡ ወእኁክሙ፡ ንዑስ፨
- ዘንተ፡ ስብሐተ፡ መንፈሳዌ፡ እስመ፡ ነበበ፡ ክርስቶስ፨
- ወባረከ፡ ዓመተ፡ ኢያሱ፡ ንጉሥ፨
- ንዑ፡ ንትፈሣሕ፡ ዮም፡ በበዓሉ፡ ለዘዮሐንስ፨