መልክአ፡ አብሳዲ፡ ዘደብረ፡ ማርያም፡
Malkəʾa ʾAbsādi za-Dabra Māryām
Image of ʾAbsādi of Dabra Māryām
-
- መጽሔተ፡ አእምሮ፡ ስቅሊ፡ ለአንጻርየ፡ በፍጽሙ፨
- ዘያጤይቀኒ፡ መልክአ፡ በዐቅሙ፨
- ማርያን፡ ድንግል፡ ክሥቲ፡ ምስጢረ፡ ስሙ፨
- ለገነትኪ፡ አብሳዲ፡ ለለ፡ ጌሠሙ፡ ወዐሙ፨
- ምስለ፡ ቈጽል፡ ወፍሬ፡ ዘይትረከብ፡ ዖሙ፨
-
- ሰላም፡ ለዝክረ፡ ስምከ፡ እንዘ፡ አንተ፡ ሕፃን፨
- በስሙ፡ ዘሰመየከ፡ ቶማስ፡ ብሂሎ፡ ክርስቶስ፡ ቍርባን፨
- አብሳዲ፡ ብፁዕ፡ ሊቀ፡ ብፁዓን፨
- ይትቀዳሕ፡ እምውሳጤየ፡ በጽዋዐ፡ ንስቲት፡ ልሳን፨
- መልክአ፡ ውዳሴከ፡ ሜስ፡ ወዜናከ፡ ወይን፨
-
- ሰላም፡ ለመቃብሪከ፡ መካነ፡ ስብሐት፡ ወድልቅልቅ፨
- ደብረ፡ ማርያም፡ ቅድስት፡ እንተ፡ ትሰመይ፡ በጽድቅ፨
- እንዘ፡ አብሳዲ፡ ሰማይ፡ ሥነ፡ ሥርጋዌሃ፡ መብረቅ፨
- ዕንቍ፡ ውስጣ፡ ወዴዴያቲሃ፡ ዘወርቅ፨
- እስመ፡ በውሳጤሃ፡ ተቀብሩ፡ ኅሩያን፡ ደቂቅ፨
-
- ለዛቲ፡ አስትአ፡ ውዳሴከ፡ እንበለ፡ አሌዕል፡ መጠና፨
- አብሳዲ፡ ቅድሜከ፡ ዘአቅረብኩ፡ ዘምስለ፡ ትሕትና፨
- ተወከፋ፡ አባ፡ ወኢትመንና፨
- አብሰ፡ እንበይነ፡ ንስቲት፡ ቀኖና፨
- ለጽሩዕ፡ ወልድ፡ ይሁቦ፡ ምዝጋና፨
-
- ሰላም፡ ለከ፡ አብሳዲ፡ ጴጥሮስ፡ ዘበዕብራይስጢ፡ ልሳን፨
- ዘቀጥቀጦሙ፡ ለመናፍቃን፨
- እስመ፡ አንተ፡ እብነ፡ ዘመን፨
-
- ሰላም፡ ለከ፡ ማትያስ፡ አብሳዲ፡ በእምዐጸደ፡ ዓለም፡ ማሳኒ፨
- በእፃዌሁ፡ ዘነሥአ፡ ክርስቶስ፡ አዶኒ፨
- ስብከታተ፡ ከመ፡ ታሠኒ፨
-
- ሰላም፡ ለከ፡ ዕፀ፡ ሰላምከ፡ ወይን፡ አብሳዲ፡ ከመ፡ ይፈጸም፡ አምሳለ፨
- በማእከለ፡ አፍላግ፡ ዘተተክለ፨
- ሥርግው፡ ጽጌ፡ ዘይትዐጸፍ፡ ቈጽለ፨
- ለለ፡ ሳዑ፡ ይሁብ፡ አስካለ፨