መልክአ፡ አብርሃም፡ ይስሐቅ፡ ወያዕቆብ፡
Malkəʾa ʾAbrəhām Yəsḥaq wa-Yāʿqob
Image of Abraham, Isaac, and Jacob
-
- ሰላም፡ ለዝክረ፡ ስምክሙ፡ በቃለ፡ ኪዳን፡ ዘኢይኄሱ፨
- ዘመሐለ፡ ለክሙ፡ በስምዐ፡ ርእሱ፨
- አብርሃም፡ ይስሐቅ፡ ወያዕቆብ፡ ባሕርየ፡ ከርሡ፨
- ብክሙ፡ ቃለ፡ ብፅዓን፡ መንግሥተ፡ ምድር፡ ትረሱ፨
- ወእመኒ፡ ዳግመ፡ በሰማይ፡ ትንገሡ፨
-
- ሰላም፡ ለፍልሰተ፡ ሥጋክሙ፡ እምሀገረ፡ ሴኬም፡ መካን፨
- ኀበ፡ ሉዓላዊት፡ ጽዮን፨
- አብርሃም፡ ይስሐቅ፡ ወያዕቆብ፡ ኄራን፨
- ብክሙ፡ ቃለ፡ ብፅዓን፡ አመ፡ ጊዜ፡ ይትነሥኡ፡ ጻድቃን፨
- ከመ፡ ትኩኑ፡ አርእስቶሙ፡ ምስለ፡ አዳም፡ ወሔዋን፨
-
- ሶበ፡ አብጻሕኩ፡ ንስቲተ፡ ለመልክእክሙ፡ ተውዳስ፨
- አምጣነ፡ ብየ፡ ዘኀሠሠ፨
- አብርሃም፡ ይስሐቅ፡ ምስለ፡ ያዕቆብ፡ ከኒሰ፨
- አዕርግዎ፡ ቅድመ፡ ፈጣሪ፡ ሀገረክሙ፡ ሐዲሰ፨
- ኀበ፡ ገነተ፡ ጽድቅ፡ ፍሥሓ፡ ወመርሰ፨
-
- ይትባረክ፡ እግዚአብሔር፡ ዘአፈጸመኒ፡ ወጢነ፡ በእዘዘ፡ ቃሉ፨
- ለመልክእክሙ፡ ተውዳሰ፡ ኆኅተ፡ ሥነ፡ ፊደሉ፨
- አብርሃም፡ ይስሐቅ፡ ወያዕቆብ፡ ላእካለ፡ ቃሉ፨
- ምሥጥዎ፡ ቅድመ፡ ፈጣሪ፡ ለፍሬ፡ ከናፍርየ፡ አስካሉ፨
- ሀገረ፡ ጻድቃን፡ ኄራን፡ ወብሩህ፡ ጸዳሉ፨