መልክአ፡ አቢብ፡
Malkəʾa ʾAbib
Image of Phib
-
- ሰላም፡ ለዝክረ፡ ስምከ፡ ዘተጸውዐ፡ እምቅድም፨
- በመርህ፡ በቤቱ፡ ለአቡከ፡ ኀበ፡ ዘበቈለ፡ ዖም፨
- አቢብ፡ አቡየ፡ ዝክረ፡ ስምከ፡ ጥዑም፨
- በዘሊተ፡ ሥጋ፡ ወበዘዚአየ፡ ዐፅም፨
- ተጽሒፎ፡ ይትረከብ፡ ሐዲስ፡ ዓለም፨
-
- ሰላም፡ ለበድነ፡ ሥጋከ፡ ዘነበበ፡ ቦቱ፨
- ከመ፡ እንዘ፡ ሕያው፡ ውእቱ፨
- አቢብ፡ ትቤሎ፡ ለአቢብ፡ በጊዜ፡ ሞቱ፨
- ኦዘትኄይስ፡ ተናግሮ፡ እንዘ፡ አቤል፡ ዝንቱ፨
- በኀይለ፡ ወልድየ፡ ተንሢእከ፡ በሰላም፡ እቱ፨
-
- አዕናቈ፡ ፍሉጣተ፡ ወብዑዳተ፡ በበይኖን፨
- ወልብሰ፡ ሠርጐ፡ ኀብሩ፡ ሜላተ፡ ብርሃን፨
- ዘተውህበ፡ ለከ፡ እም፡ ኀበ፡ ክርስቶስ፡ መድኅን፨
- ኢትርስአኒ፡ በጸሎትከ፡ አቢብ፡ አበ፡ ብዙኃን፨
- አመሐልኩከ፡ በእግዚእየ፡ በጽኑዕ፡ ኪዳን፨
-
- ኦአምላከ፡ አቢብ፡ ኢየሱስ፡ ክርስቶስ፡ እግዚእየ፨
- ስረይ፡ ኀጢአትየ፨
- እንዘ፡ ይብል፡ ብእሲ፡ ሶበ፡ ጸለየ፨
- ይቤ፡ እግዚእ፡ በስምየ፡ ወበስመ፡ አቢብ፡ ገብርየ፨
- አኀድግ፡ ሎቱ፡ ዘገብረ፡ ጌጋየ፨