መልክአ፡ አምኃ፡ ጊዮርጊስ፡ ዘደብረ፡ መጒና፡
Malkəʾa ʾAmmǝḫā Giyorgis za-Dabra Magʷinā
Image of ʾAmmǝḫā Giyorgis of Dabra Magʷinā
-
- ሰላም፡ ለዝክረ፡ ስምከ፡ በኀበ፡ ልዑላን፡ ዘተልዕለ፨
- እምቀደምትከ፡ ፈድፋደ፡ አምጣነ፡ አፈድፈድከ፡ ገድለ፨
- አምኃ፡ ጊዮርጊስ፡ ኀያል፡ ዘክበደ፡ መስቀል፡ አቅለለ፨
- ዜና፡ ውዳሴከ፡ እስመ፡ አፉየ፡ ኢክህለ፨
- ኀይለ፡ አርያም፡ ጰራቅሊጦስ፡ ይኩነኒ፡ ኀይለ፨
-
- ሰላም፡ ለመቃብሪከ፡ መካነ፡ ደመ፡ ግፍዕ፡ ሀገረ፡ ጺማ፨
- ወለፍልሰትከ፡ ሰላም፡ አምኃ፡ ጊዮርጊስ፡ መንክረ፡ ግርማ፨
- መጠነ፡ ዓመታት፡ ብዙኅ፡ በምክረ፡ ጸላኢ፡ መስቴማ፨
- ለብእሲት፡ ነፍሰ፡ ዚአየ፡ ዘደዌ፡ ኀጢአት፡ አልሐማ፨
- ዘፈረ፡ ልብስከ፡ አምላካዊ፡ ያሰስል፡ ሕማማ፨
-
- አምኃ፡ ጊዮርጊስ፡ አብ፡ አምጣነ፡ ልብየ፡ ጽህቅ፨
- ባሕረ፡ ተወክፎትከ፡ ያስጥም፡ ቃለ፡ ወልድከ፡ መልህቀ፨
- አምላክከ፡ ፈጣሬ፡ ኵሉ፡ እንተ፡ በይሁዳ፡ ተዐውቀ፨
- በከመ፡ ተወክፍረ፡ እምደ፡ መበለት፡ ጸሪቅ፨
- እምዘአብዕልተ፡ ወርቅ፡ አብኡ፡ ተረፎሙ፡ ስንቀ፨
-
- መንገለ፡ ኀይል፡ እምኀይል፡ አምጣነ፡ ሖሩ፡ ወነገዱ፨
- ዜና፡ ውዳሴሆሙ፡ እጽሐፍ፡ ለአባላቲከ፡ ለለ፡ አሐዱ፨
- ፍዳ፡ ሩጸትየ፡ ኮነ፡ በመዐዛ፡ ፍቅርከ፡ ዕቍረ፡ ንርዱ፨
- ለጻድቅ፡ አብ፡ እግዚኦ፡ እስመ፡ ከመዝ፡ ልማዱ፨
- አባ፡ ባርከኒ፡ አምኃ፡ ጊዮርጊስ፡ አባ፡ ከመ፡ ባረኮ፡ አብርሃም፡ ለይስሐቅ፡ ወልዱ፨