መልክአ፡ በጸሎተ፡ ሚካኤል፡
Malkəʾa Baṣalota Mikāʾel
Image of Baṣalota Mikāʾel
-
- ሰላም፡ ለፅንሰትከ፡ ዘአንጸፍጸፈ፡ ጽሙና፨
- ወለልደትከ፡ ዓዲ፡ በብሥራተ፡ መልአክ፡ ወዜና፨
- በጸሎተ፡ ሚካኤል፡ ሀበኒ፡ ወጸግወኒ፡ ጥዒና፨
- ነፍስየ፡ ጊዜ፡ ዕረፍት፡ ከመ፡ ኢትርአይ፡ ሙስና፨
- በእደ፡ ሚካኤል፡ ሴስየኒ፡ አውሪደከ፡ መና፨
-
- ሰላም፡ ለዝክረ፡ ስምከ፡ ከመ፡ ስቴ፡ መዐር፡ ጥዑም፨
- ወለሥዕርትከ፡ ዓዲ፡ በቅብአ፡ መንፈስ፡ ልምሉም፨
- በጸሎተ፡ ሚካኤል፡ ጻድቅ፡ እንተ፡ አልብከ፡ ንዋም፨
- በጾም፡ ወበቀኖና፡ ከመ፡ እንተ፡ አብ፡ ወእም፨
- ለመነኰሳት፡ አበው፡ ዘኮንኮሙ፡ ዖም፨
-
- ሰላም፡ ሰላም፡ ለፍልሰተ፡ ሥጋከ፡ መአድም፨
- እምውሳጤ፡ ገዳም፡ ዘቅድም፨
- በጸሎተ፡ ሚካኤል፡ ትጉህ፡ ዘተሐውር፡ በጊዜ፡ ንዋም፨
- ፍጹመ፡ ሶበ፡ በጻሕከ፡ ውስተ፡ ደብረ፡ ግሼ፡ ገዳም፨
- እንተ፡ ለምሕረት፡ ወሣህል፡ ወረደ፡ ዝናም፨
-
- ተወከፍ፡ ዘአቅረብኩ፡ ድርሳነ፡ በረከት፡ ሠናይ፨
- ለመልክኣቲከ፡ ኵሎን፡ በቃለ፡ ግናይ፨
- በጸሎተ፡ ሚካኤል፡ ሐዋርያ፡ ወዘበነቢያት፡ ነቢይ፨
- ከመ፡ ትኅድር፡ በላዕሌየ፡ ጸጋ፡ መንፈስ፡ ቅዱስ፡ ርሡይ፨
- እስመ፡ ተማሕፀንኩ፡ ገብርከ፡ ነዳይ፨
-
- ዐምደ፡ ሃይማኖት፡ ግሩም፡ ውስተ፡ ቤተ፡ መቅደስ፡ ዘይቀውም፨
- በጸሎተ፡ ሚካኤል፡ ካህን፡ መክሥተ፡ አፉሁ፡ መዐር፡ ጥዑም፨
- አመ፡ አፍለሱ፡ አዕፅምቲሁ፡ በጕንዱይ፡ ዓም፨
- ሶበ፡ አዕጸፉ፡ አብራኪሁ፡ አንጸፍጸፈ፡ ደም፨