መልክአ፡ ኢዮስያስ፡ ዘደብረ፡ ስብሐት፡
Malkəʾa ʾIyosyās za-Dabra Sǝbḥat
Image of ʾIyosyās of Dabra Sǝbḥat
-
- ናሁ፡ አንሣእኩ፡ አዕይንትየ፡ መንገለ፡ ሥላሴ፡ ሠለስቱ፨
- ረድኤትየ፡ ይብጻሕ፡ አመ፡ ውዳሴከ፡ ዝንቱ፨
- ኢዮስያስ፡ ኮከብ፡ ዘእምከዋክብት፡ ፯ቱ፨
- በምድረ፡ አግዓዚ፡ እለ፡ ብርሃነ፡ ከሠቱ፨
- ወእምኢትዮጵያ፡ ቅድስት፡ ጽልመተ፡ አእተቱ፨
-
- ሰላም፡ ለዝክረ፡ ስምከ፡ ምሉዐ፡ ሞገስ፡ ስም፨
- ከመ፡ ስመ፡ ቅዱስ፡ ጳውሎስ፡ መምህረ፡ እስያ፡ ወሮም፨
- ኢዮስያስ፡ አብ፡ በገራህተ፡ ሐዲስ፡ ዓለም፨
- አባ፡ አባ፡ እምትምህርትከ፡ ዝናም፨
- ጽጌ፡ በረከት፡ ተርእየ፡ ወተውህበ፡ ቀስም፨
-
- ሰላም፡ ለግንዘተ፡ ሥጋከ፡ በእደ፡ ካህናት፡ መዘምራን፨
- ወለመቃብሪከ፡ ቅድስት፡ እንተ፡ የዐውዳ፡ ብፅዓን፨
- ኢዮስያስ፡ ፀሓይ፡ መጋቤ፡ አዝማን፨
- አብርህ፡ ሊትአ፡ እግዚኦ፡ እምዘዚአከ፡ ብርሃን፨
- አመ፡ በጽልመት፡ ተእኅዘ፡ ዘዚአየ፡ ዐይን፨
-
- አብዝኆ፡ ውዳሴ፡ እንዘ፡ ይደሉ፡ ለዕበይከ፡ መንክር፨
- ወለነገርከ፡ ኵሉ፡ ዘመልዕልተ፡ ኵሉ፡ ነገር፨
- ኢዮስያስ፡ ኰኵሕ፡ መሠረተ፡ ዐበይት፡ አድባር፨
- ናሁ፡ ጸሐፍኩ፡ ውዳሴከ፡ በኍልቈ፡ ፴፡ ብሩር፨
- ዘተሠይጠ፡ ቦሙ፡ መለኮት፡ ክቡር፨