መልክአ፡ ታዴዎስ፡ ዘደብረ፡ ጽላልሽ፡
Malkəʾa Tādewos za-Dabra Ṣǝlālǝš
Image of Tādewos of Dabra Ṣǝlālǝš
-
- በስመ፡ እግዚአብሔር፡ አብ፡ አምላከ፡ አማልክት፡ ለሊሁ፨
- ወበስመ፡ ማርያም፡ ድንግል፡ እንተ፡ ተሳተፈት፡ ብዕለ፡ ጸጋሁ፨
- ውዳሴ፡ መልክእከ፡ እንብብ፡ ታዴዎስ፡ ለለ፡ ጽባሑ፨
- መሀረኒ፡ ሕገ፡ ጥበብ፡ ወአለብወኒ፡ ናሁ፨
- ከመ፡ ለወልዱ፡ ጥበበ፡ ይሜህር፡ አቡሁ፨
-
- ሰላም፡ ለዝክረ፡ ስምከ፡ በሰሌዳ፡ ሞገስ፡ ልኩእ፨
- ዘይትበፃዕ፡ ብፅዐ፡ በአፈ፡ መላእክት፡ ወሰብእ፨
- ምዑዘ፡ ምግባር፡ ታኤድዎስ፡ እምጽጌ፡ ረዳ፡ ወቅብእ፨
- ሤመከ፡ ወአልዐለከ፡ እግዚአብሔር፡ እግዚእ፨
- ወውዳሴ፡ ስምከ፡ መልአ፡ በዓለም፡ ርቡዕ፨
-
- ሰላም፡ ለትንሣኤከ፡ እምነ፡ ዝኅርከ፡ ለዐውዳ፨
- ስመ፡ ባሕርያ፡ መሬት፡ እንተ፡ ትሴሰይ፡ እስከ፡ ትትወሐዳ፨
- አመ፡ ትመጽእ፡ ታዴዎስ፡ ምስለ፡ እግዚእከ፡ በዕለተ፡ ፍዳ፨
- ተዘኪረከ፡ ስምየ፡ ዘአቅረብኩ፡ ጋዳ፨
- ዐስበ፡ ሰላምየ፡ ፈኑ፡ እስመ፡ ብየ፡ ዕዳ፨
-
- አምኃ፡ ሰላም፡ አቅረብኩ፡ ለመልክእከ፡ መሠንየ፨
- እንተ፡ ኢታስተሐቅር፡ ቃለ፡ መጠነ፡ ክሂል፡ ዘብየ፨
- ተወኪፈከ፡ ዘንተ፡ ታዴዎስ፡ አቡየ፨
- ከመ፡ ተወክፈ፡ እግዚእከ፡ ጸሪቀ፡ መበለት፡ ሰኑየ፨
- እምጸጋከ፡ እንሣእ፡ ሀበኒ፡ ዐስብየ፨