መልክአ፡ ታዴዎስ፡ ዘደብረ፡ ጽላልሽ፡
Malkəʾa Tādewos za-Dabra Ṣǝlālǝš
Image of Tādewos of Dabra Ṣǝlālǝš
-
- በስመ፡ እግዚአብሔር፡ ሕያው፡ ንጉሠ፡ ወሥዩመ፨
- ዘበህላዌሁ፡ ይትአኰት፡ እምቅድመ፡ ይፍጥር፡ ዓለመ፨
- መዝገበ፡ ርኅራኄ፡ ታዴዎስ፡ እስመ፡ ታፈቅር፡ ሰላመ፨
- ከመ፡ እንግር፡ ኀይለ፡ ዚአከ፡ ወመንክረከ፡ መድምመ፨
- ዲበ፡ ረቀ፡ ልብየ፡ ጸሐፍ፡ ጸጋከ፡ ቀለመ፨
-
- ሰላም፡ ለፅንሰትከ፡ በብሥራተ፡ መልአክ፡ ኪሩብ፨
- ወለልደትከ፡ ሰላም፡ እማሕፀነ፡ እምከ፡ ርግብ፨
- ታዴዎስ፡ ሳውል፡ ብርሃነ፡ አሕዛብ፡ ወሕዝብ፨
- ይምልኦ፡ ለእበድየ፡ ጸጋ፡ መንፈስ፡ ቅዱስ፡ ጥበብ፨
- ወማሕሌተ፡ ጽጌከ፡ ይቅስም፡ ልሳንየ፡ ንህብ፨
-
- ሰላም፡ ለዝክረ፡ ስምከ፡ እንተ፡ ይጥዕም፡ ለአፍ፨
- ከመ፡ መዐር፡ ወሦከር፡ ዘወደሶሙ፡ መጽሐፍ፨
- ዕንቈ፡ ባሕርይ፡ ታዴዎስ፡ እጓለ፡ ማርያም፡ ሰደፍ፨
- ከመ፡ እንግር፡ ዜና፡ ዝክርከ፡ ውስተ፡ እዝነ፡ ኵሉ፡ አጽናፍ፨
- ላዕሌየ፡ ይኅድር፡ ጸጋከ፡ ትሩፍ፨
-
- ሰላም፡ ለመቃብሪከ፡ እምቅድመ፡ ትኑም፡ ውስቴታ፨
- ኀበ፡ ይእቲ፡ በጻሕከ፡ በጸድፈ፡ ዐባይ፡ በታሕታ፨
- ሐዋርያ፡ ቃል፡ ታዴዎስ፡ በኀይለ፡ ጸሎትከ፡ ባሕቲታ፨
- አሐቲ፡ እኅትከ፡ ድኅረ፡ ተቀብረት፡ መዊታ፨
- ሕያውታ፡ ተንሥአት፡ ወለታ፨
-
- ስብሐት፡ ይደሉ፡ ለማርያም፡ ዘጸገወተኒ፡ አፈ፨
- ቅድመ፡ ሰብእ፡ እንብብ፡ ዘውዳሴከ፡ መጽሐፈ፨
- ገራህተ፡ ሃይማኖት፡ ታዴዎስ፡ እንዘ፡ እጼውዐከ፡ ዘልፈ፨
- ዘርአ፡ ቃልየ፡ ዘበኀቤከ፡ ተገድፈ፨
- ይኩነኒ፡ ለወልድከ፡ ዘይፈሪ፡ አእላፈ፨